ନବରଙ୍ଗପୁର: ଅଲ୍ଓଡିଶା ମିଟର ରିଡର ଆସୋସିଏସନର ଜରୁରୀ ବୈଠକ ନବରଙ୍ଗପୁରଠାରେ ଅନୁଷ୍ଠିତ ହୋଇଯାଇଛି । ସ୍ଥାନୀୟ ସୌରସାହି କଲ୍ୟାଣି ମଣ୍ଡପରେ ଆୟୋଜିତ କାର୍ଯ୍ୟକ୍ରମରେ ସମସ୍ତ ବିଦ୍ୟୁତ ଯୋଗାଣ ସଂସ୍ଥାରେ କାର୍ଯ୍ୟରତ ମିଟର ରିଡର କର୍ମଚାରୀ ଯୋଗ ଦେଇଥିଲେ ।
ବୈଠକରେ ମିଟର ରିଡର ଭାବେ କାର୍ଯ୍ୟରତ କର୍ମୀ ସମସ୍ୟା ଗୁଡିକ ବିଷୟରେ ଆଲୋଚନା କରିଥିଲେ । ଏହାସହିତ ମୁଖ୍ୟତଃ ସରକାର ମିଟର ରିଡିଂ କାର୍ଯ୍ୟ ଏସଏସଜି ଗ୍ରୁପ ହାତରେ ଦେବାକୁ ନିଷ୍ପତ୍ତି ନେଇଥିବାରୁ ତାହାକୁ ବିରୋଧ କରାଯାଇଥିଲା । ମିଟର ରିଡିଂ ଏକ ସ୍ଥାୟୀ କାର୍ଯ୍ୟ ହୋଇଥିବା ବେଳେ ସରକାର ଉକ୍ତ କାମକୁ ବେଆଇନ ଭାବେ ବିଭିନ୍ନ ଏଜେନ୍ସି ମାନଙ୍କ ଦ୍ବାରା କରୁଛନ୍ତି ।
ଗତ ୧୫ ବର୍ଷ ଧରି ଉକ୍ତ ଏଜେନ୍ସି ମାନଙ୍କରେ ମିଟର ରିଡର ଭାବେ କାର୍ଯ୍ୟରତ କର୍ମଚାରୀଙ୍କୁ ସେହି ଏଜେନ୍ସି ମାନେ ମାନସିକ, ଶାରୀରିକ ଭାବେ ନିର୍ଯ୍ୟାତନା ଦେଉଛନ୍ତି । ଏହାସହ ବର୍ତ୍ତମାନ ଛଟେଇ କରିବାକୁ ଚକ୍ରାନ୍ତ କରୁଥିବା ଅଭିଯୋଗ କରୁଥିବାରୁ ସରକାରଙ୍କ ଏହି ନିଷ୍ପତ୍ତିକୁ ବୈଠକରେ ଦୃଢ଼ ବିରୋଧ କରାଯାଇଛି ।
ଖବର ଅନୁଯାୟୀ, ମିଟର ରିଡର ଭାବେ ଦୀର୍ଘ ୧୦ ବର୍ଷ ଧରି ରାଜ୍ୟରେ ଛଅ ହଜାର କର୍ମଚାରୀ କାର୍ଯ୍ୟ କରୁଛନ୍ତି । ବର୍ତ୍ତମାନ ଏସଏସଚଜି ଗ୍ରୁପକୁ ମିଟର ରିଡିଂ ଦାୟିତ୍ବ ଦେବା ଦ୍ବାରା କର୍ମଚାରୀ ତଥା ତାଙ୍କ ପରିବାରର 30 ହଜାର ସଦସ୍ୟ ପରୋକ୍ଷରେ ପ୍ରଭାବିତ ହେବେ ବୋଲି ସଂଘର କର୍ଯ୍ୟକର୍ତ୍ତାମାନେ ପ୍ରକାଶ କରିଛନ୍ତି ।
ଏନେଇ ସରକାର ତାଙ୍କ ନିଷ୍ପତ୍ତିର ପୁନର୍ବିଚାର କରି ମିଟର ରିଡିଂ ଦାୟିତ୍ବ ଏସଏସଜି ଗ୍ରୁପକୁ ନଦେବାପାଇଁ କର୍ମଚାରୀମାନେ ଅନୁରୋଧ କରିଛନ୍ତି । ଯଦି ସରକାର ତାଙ୍କ ନିଷ୍ପତ୍ତିର ପୁନର୍ବିଚାର ନକରନ୍ତି ତେବେ ଆଗାମୀ ଦିନରେ ଆନ୍ଦୋଳନ ତଥା ପ୍ରତିବାଦକୁ ଜୋରଦାର କରାଯିବ ବୋଲି ଧମକ ବୈଠକରେ ଖୋଲା ଧମକ ଦିଆଯାଇଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
