ନବରଙ୍ଗପୁର: ଶୌଚ ପାଇଁ ଯାଇଥିବା ବେଳେ ପୋଖରୀରେ ବୁଡି ଜଣେ ବୃଦ୍ଧଙ୍କ ମୃତ୍ୟୁ ହୋଇଛି । ଘଟଣା ଘଟିଛି ନବରଙ୍ଗପୁର ପକନାଗୁଡା ଗାଁରେ । ଉକ୍ତ ଗାଁର ଜଣେ ଅବସର ପ୍ରାପ୍ତ କର୍ମଚାରୀ ଶୌଚ ହେବାକୁ ଯାଇଥିବାବେଳେ ପୋଖରୀରେ ବୁଡି ଜୀବନ ହାରିଛନ୍ତି । ମୃତକ ଜଣକ ହେଲେ ପ୍ରଧାନୀଗୁଡ଼ା ଗାଁର 75 ବର୍ଷୀୟ ଦିନବନ୍ଧୁ ନାୟକ ।
ପୋଖରୀରେ ବୁଡି ବୃଦ୍ଧ ମୃତ
ଗତ କିଛିଦିନ ହେଲା ମୈଦଲପୁର ନିକଟ ପକନାଗୁଡା ଗାଁରେ ସେ ରହି ଆସୁଥିଲେ । ଶନିବାର ସକାଳୁ ସେ ଶୌଚ ହେବା ପାଇଁ ଗାଁ ପୋଖରୀକୁ ଯାଇଥିବା ବେଳେ ସେଠାରେ ବୁଡିଯାଇଥିଲେ । ଏନେଇ ଗ୍ରାମବାସୀ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ମୃତଦେହକୁ ଉଦ୍ଧାର କରିଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
