ନବରଙ୍ଗପୁର: ନିଜ କାମ ପାଇଁ ସବୁବେଳେ ଚର୍ଚ୍ଚାରେ ରହିଆସିଥିବା ଡାବୁଗାଁ ବିଧାୟକ ପୁଣି ଥରେ ଚର୍ଚ୍ଚାରେ । ଏଥର ରୋଗୀ ସେବା କରି ଚର୍ଚ୍ଚାର ପରିଧିକୁ ଚାଲିଆସିଛନ୍ତି ସେ । କୁକୁଡାବାଇ ପଞ୍ଚାୟତ ଅନ୍ତର୍ଗତ ବିଜାଗୁଡା ଗାଁର ଚଞ୍ଚଳା ଭତ୍ରା ଅସୁସ୍ଥ ହୋଇପଡିଥିବା ବେଳେ ଖବର ପାଇ ସାହାଯ୍ୟ କରିବାକୁ ପହଞ୍ଚିଥିଲେ ବିଧାୟକ ।
ସଙ୍ଗେସଙ୍ଗେ ଏକ ଅଟୋ କରି ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ବିଧାୟକଙ୍କ ଏହି ସାହାଯ୍ୟ ଯୋଗୁଁ ଶିଘ୍ର ଆରୋଗ୍ୟ ଲାଭ କରି କରିଛନ୍ତି । ବିପଦ ସମୟରେ ବିଧାୟକଙ୍କ ସାହାଯ୍ୟ ପାଇଁ ପରିବାରଲୋକେ ତାଙ୍କୁ ଧନ୍ୟବାଦ ଜଣାଇଛନ୍ତି । ତେବେ କେବଳ ରୋଗୀକୁ ସାହାଯ୍ୟ ନୁହେଁ ମେଡିକାଲ ପରିସର ବୁଲି ଦେଖିବା ସହ ଆହାର କେନ୍ଦ୍ରରେ ଲୋକଙ୍କ ମିଶି ଭୋଜନ କରିଥିଲେ । ରୋଗୀଙ୍କୁ ଠିକ୍ ଭାବରେ ଖାଦ୍ୟ ପରସିବାକୁ ତାଗିଦ୍ ମଧ୍ୟ କରିଥିଲେ ।
ତେବେ ଏ ପ୍ରଥମ ଘଟଣା ନୁହେଁ ପୂର୍ବରୁ ମଧ୍ୟ ଜନସାଧାରଣଙ୍କ ପାଇଁ ଅନେକ କାର୍ଯ୍ୟ ତାଙ୍କୁ ଚର୍ଚ୍ଚାରେ ରଖି ଆସିଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
