ନବରଙ୍ଗପୁର: ଦିନକୁ ଦିନ ଉପର ମୁହାଁ ହେବାରେ ଲାଗିଛି କୋରୋନା । କୋରୋନା ମହାମାରୀର ଦ୍ୱିତୀୟ ଲହରର ପ୍ରକୋପ ଜାରି ରହିଥିବା ବେଳେ ଗତ କିଛି ଦିନର ବ୍ୟତିକ୍ରମ ପରେ ଜିଲ୍ଲାରେ କୋରୋନା ଧିରେ ଧିରେ ତଳମୁହାଁ ହେଉଛି । ଯାହାଫଳରେ ଦୈନିକ ସଂକ୍ରମଣରେ ସାମାନ୍ୟ ହ୍ରାସ ପାଇଛି l ଶୁକ୍ରବାର ଜିଲ୍ଲାରେ 242 ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି l
ଶୁକ୍ରବାର ଚିହ୍ନଟ 242 ଜଣ ନୂଆ ଆକ୍ରାନ୍ତଙ୍କ ମଧ୍ୟରୁ ସର୍ବାଧିକ ଉମରକୋଟ ବ୍ଲକରୁ 41, ନବରଙ୍ଗପୁର ପୌରାଞ୍ଚଳରୁ 36 ନନ୍ଦାହାଣ୍ଡି ବ୍ଲକରୁ 35 ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଝରିଗାଁ ଓ ଚନ୍ଦାହାଣ୍ଡି ବ୍ଲକରୁ 27 ଜଣ ଲେଖାଏଁ, ଉମରକୋଟ ପୌରାଞ୍ଚଳରୁ 21, ପାପଡାହାଣ୍ଡି ବ୍ଲକରୁ 16, ରାଇଘର ବ୍ଲକରୁ 14, ତେନ୍ତୁଳିଖୁଣ୍ଟି ବ୍ଲକରୁ 11,କୋଷାଗୁମୁଡା ବ୍ଲକରୁ 6, ନବରଙ୍ଗପୁର ବ୍ଲକରୁ 5, ଡାବୁଗାଁ ବ୍ଲକରୁ 3 ନୂଆ କରୋନା ଆକ୍ରାନ୍ତ ଆଜି ଚିହ୍ନଟ ହୋଇଛନ୍ତି l
ଶୁକ୍ରବାର ଚିହ୍ନଟ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ 19 ହଜାର 249 ରେ ପହଞ୍ଚିଛି l ସେଥିମଧ୍ୟରୁ 16 ହଜାର 55 ଜଣ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି l ଏବଂ ଜିଲ୍ଲାରେ ଆଜକୁ 3 ହଜାର 50 ଜଣ ସକ୍ରିୟ ଆକ୍ରାନ୍ତଙ୍କ ମାମଲା ରହିଥିବା ବେଳେ ସେଥିମଧ୍ୟରୁ 2 ହଜାର 834 ଜଣ ଗୃହ ସଙ୍ଗରୋଧରେ ଚିକିତ୍ସିତ ହେଉଛନ୍ତି l ଓ ଜିଲ୍ଲାରେ ବର୍ତ୍ତମାନ ସୁଦ୍ଧା 2 ଲକ୍ଷ 77 ହଜାର 396 ଜଣଙ୍କ ସ୍ୱାବ ସଂଗ୍ରହ କରାଯାଇ କୋଭିଡ ପରୀକ୍ଷା କରାଯାଇଥିବା ନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି l
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
