ନବରଙ୍ଗପୁର: ବିବାହ ପାଇଁ ବିବାଦ । ପୁଅର ଆକ୍ରମଣରେ ବାପର ମୃତ୍ୟୁ । ନବରଙ୍ଗପୁର ବାଘ ସିଉନି ଗ୍ରାମରେ କମଳଲୋଚନ ଅମାନାତ୍ୟଙ୍କ ପୁଅ କେଶବ ଅନ୍ୟଜାତିରେ ବିବାହ କରିଥିଲେ । ଏଥିପାଇଁ ଜାତି ଲୋକ ବାସନ୍ଦ କରି ଦେଇଥିଲେ । ଏଇ କଥାରେ ବାପ ପୁଅଙ୍କ ମଧ୍ୟରେ ବିବାଦ ହୋଇଥିଲା ।
ପରେ ପୁଅ ସ୍ତ୍ରୀକୁ ନେଇ ଶଶୁର ଘରେ ଛାଡି ଦେଇକି ଆସିଥିଲା । ରାତିରେ ବାପ ମଦ୍ୟପାନ କରି ପୁଅକୁ ଗାଳି ଦେଇଥିବା ଅଭିଯୋଗ ହେବା ପରେ ଦୁଇ ଜଣଙ୍କ ମଧ୍ୟରେ ମାରପିଟ୍ ଆରମ୍ଭ ହୋଇଯାଇଥିଲା । ପୁଅ ବାପ କମଳଲୋଚନଙ୍କୁ ଠେଲିଦେବାରୁ ତାଙ୍କ ମୁଣ୍ଡ ଝରକାରେ ପିଟି ହୋଇଯାଇଥିଲା । ଫଳରେ ଘଟଣାସ୍ଥଳରେ କମଳଲୋଚନଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ପୋଲିସ ଏବେ ଘଟଣାର ତଦନ୍ତ କରୁଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
