ନବରଙ୍ଗପୁର: ଜିଲ୍ଲାର 2ଟି ମ୍ୟୁନିସିପାଲିଟିକୁ ଲକ ଡାଉନ ଘୋଷଣା କରିବା ପରେ ଆଜି ଅଚାନକ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ଆଇସୋଲେସନ ୱାର୍ଡର ପରିଦର୍ଶନ କରିଛନ୍ତି ନବରଙ୍ଗପୁର ଜିଲ୍ଲାପାଳ । ଏହି ଅବସରରେ ଜିଲ୍ଲାପାଳ ଡ.ଅଜିତ କୁମାର ମିଶ୍ର ମେଡିକାଲରେ ସମ୍ଭାବ୍ୟ କୋରୋନା ସଂକ୍ରମଣ ରୋକିବା ପାଇଁ ମୁଖ୍ୟଚିକିତ୍ସାଳୟ କେତେ ପ୍ରସ୍ତୁତ ରହିଛି ସେନେଇ ଯାଞ୍ଚ କରିଥିଲେ।
ଜିଲ୍ଲା ମୁଖ୍ୟଚିକିତ୍ସାଧିକାରୀ ଓ ଅନ୍ୟ ମେଡିକାଲ କର୍ମଚାରୀଙ୍କ ସହ ମିଶି ମେଡିକାଲର ଆଇସୋଲେସନ ୱାର୍ଡ ବୁଲି ଥିଲେ । ଏଥିସହ ୱାର୍ଡରେ କଣ କଣ ସ୍ବତନ୍ତ୍ର ବ୍ୟବସ୍ଥା କରାଯାଇଛି ସେନେଇ ଜିଲ୍ଲା ମୁଖ୍ୟଚିକିତ୍ସାଧିକାରୀଙ୍କ ଠାରୁ ପଚାରି ବୁଝିଥିଲେ । ତେବେ ମେଡିକାଲ ପରିଦର୍ଶନ ସମୟରେ ମେଡିକାଲର ପାରିପାର୍ଶ୍ବିକ ଦେଖି ସ୍ଥିତି ବିଗିଡି ଯାଇଥିଲେ ଜିଲ୍ଲାପାଳ ।
ଏହାସହ କୋରୋନା ସଂକ୍ରମିତ ପାଇଁ ବିଶେଷ ଭାବେ ସ୍ବଚ୍ଛତା ଅଧିକ ଗୁରୁତ୍ବ ଦିଆଯାଉଥିବାବେଳେ ମେଡିକାଲ ପରିସର ପରିଷ୍କାର ପରିଚ୍ଛନତା ନ ଥିବାରୁ ମେଡିକାଲ ପରସରକୁ ସଫା ରଖିବା ପାଇଁ କଡା ତାଗିଦ ମଧ୍ୟ କରିଥିଲେ ଜିଲ୍ଲାପାଳ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
