ନବରଙ୍ଗପୁର: ନାବାଳିକା ବିବାହ ଉଦ୍ୟମ ପଣ୍ଡ । ନନ୍ଦାହାଣ୍ଡି ବ୍ଲକ ପୋଡାଲଗୁଡା ଗାଁରେ ଚାଲିଥିବା ନାବାଳିକା ବିବାହକୁ ରୋକିଛି ପ୍ରଶାସନ । ଉଭୟ ପରିବାର ବର୍ଗକୁ ବୁଝାସୁଝା କରିବା ପରେ ବିବାହ ବନ୍ଦ କରିଥିଲା ଜିଲ୍ଲା ଶିଶୁ ମଙ୍ଗଳ ଅଧିକାରୀ ।
ନାବାଳିକା ବିବାହ ଉଦ୍ୟମ ପଣ୍ଡ, ବନ୍ଦ କଲା ଜିଲ୍ଲା ପ୍ରଶାସନ
ସୂଚନାଅନୁସାରେ, ବୈଦିକ ରୀତିରେ ପୋଡାଲଗୁଡାର ଗାଁର ଦୁର୍ଯ୍ୟା ପାଇକଙ୍କ ନାବାଳିକା ଝିଅର ବିବାହ ରାଶିଆଗୁଡା ଗାଁରେ ସ୍ଥିର ହୋଇଥିଲା । ହେଲେ ନାବାଳିକା ବିବାହ ହେଉଥିବା ଖବର ପାଇ ଅଚାନକ କନ୍ୟା ଘରେ ପହଞ୍ଚିଥିଲା ଜିଲ୍ଲା ପ୍ରଶାସନ । ଉଭୟ ପରିବାରକୁ ବୁଝାସୁଝା କରିବା ପରେ ବିବାହ ବନ୍ଦ କରିଥିଲେ । ଏହାସହ ନାବାଳିକା ସାବାଳିକା ହେବା ପରେ ହିଁ ବିବାହ କରିବାକୁ ପରାମର୍ଶ ଦେଇଥିଲେ । ଏଥିରେ ରାଜି ହୋଇଥିଲେ ଉଭୟ ପକ୍ଷ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
