ନବରଙ୍ଗପୁର: ଜିଲ୍ଲାର କୋଷାଗୁମୁଡ଼ା ବ୍ଲକର କାନାଗୁଡା, କୋଷାଗୁମୁଡ଼ା ଆର୍.ଡି ରାସ୍ତାରେ ପାଟ୍ରୋଲିଂ ସମୟରେ ୧୭୮.୩୪୦ କି.ଗ୍ରା ଗଞ୍ଜେଇ ଜବତ ହୋଇଛି । ଗୋଟିଏ କାର ଜବତ କରାଯାଇଥିବା ବେଳେ ଅଭିଯୁକ୍ତ ଚମ୍ପଟ ମାରିଥିବା ଜଣାପଡିଛି ।
ସୂଚନା ଅନୁଯାୟୀ, କୋଷାଗୁମୁଡ଼ା ପୋଲିସ ପାଟ୍ରୋଲିଂରେ ରହିଥିବା ସମୟରେ ସୀମା ଲାକ୍ରା ନାମକ ଜଣେ ମହିଳା ପୋଲିସକୁ କିଛି ଅବକାରୀ ଦ୍ରବ୍ୟ ଚାଲାଣ ହେଉଥିବା ସୂଚନା ଦେଇଥିଲେ । ଥାନା ଅଧିକାରୀ ଗୋବିନ୍ଦ ଚନ୍ଦ୍ର ବାରୁଦାଙ୍କ ନିର୍ଦ୍ଦେଶ କ୍ରମେ ଏସ୍.ଆଇ ଏସବି ମଙ୍ଗରାଜ ସଦଳବଳ ବଡଆମ୍ବଡା ରାସ୍ତାରେ ଯିବା ସମୟରେ କାନାଗୁଡା ଠାରେ ପୋଲିସ ଗାଡିକୁ ଦେଖି ଦୁର୍ବୃତ୍ତମାନେ ମାରୁତି ସୁଜୁକି କାରଟିକୁ ଛାଡି ଫେରାର୍ ହୋଇଯାଇଥିଲେ । କୋଷାଗୁମୁଡ଼ା ଗୋଷ୍ଠୀ ଉନ୍ନୟନ ଅଧିକାରୀ ଅକ୍ଷମିତା କାର୍ତ୍ତିକଙ୍କ ଉପସ୍ଥିତିରେ ସମସ୍ତ ଗଞ୍ଜେଇକୁ ଓଜନ କରାଯିବ ସହ ଜବତ୍ କରାଯାଇଥିବା ସୂଚନା ମିଳିଛି ।
ଇଟିଭି ଭାରତ, ନବରଙ୍ଗପୁର
