ନବରଙ୍ଗପୁର: ବାଇକକୁ ପିଟିଲା ବୋଲେର, ୨ ମୃତ । ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅନ୍ତର୍ଗତ ସରାଗୁଡ଼ା ନିକଟରେ ବୋଲେର ଓ ବାଇକ ଦୁର୍ଘଟଣା ହୋଇଛି। ଦୁଇ ଜଣଙ୍କ ମୃତ୍ୟୁ ଘଟିଛି । ମୃତକମାନେ ବାସିନୀ ଗ୍ରାମର ଧନୁର୍ଜୟ ଗୌଡ଼ ଓ କଙ୍ଗରା ଗ୍ରାମର ଖଗ ଗୌଡ ମୃତ୍ୟୁ ବୋଲି ଜଣାପଡିଛି।
Bolero and bike accident in nabarangpur
ସୂଚନା ଅନୁଯାୟୀ ଟାଟା ପାୱାରରେ ଲିଜ ସୂତ୍ରରେ ଲାଗିଥିବା ବୋଲେରୋ OD 24 A 3474 କର୍ମଚାରୀଙ୍କୁ ନେଇ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଏକ ବାଇକ୍ CG 04 LT 2792 ଙ୍କ ସହ ମୁହାମୁହିଁ ହୋଇଥିଲା। ଫଳରେ ବାଇକରେ ଥିବା ଦୁଇ ବାଇକ ଆରୋହୀ ବାଇକ ସହ ରାସ୍ତା କଡକୁ ଖସି ପଡ଼ିଥିଲେ। ଘଟଣା ସ୍ଥଳରେ ଜଣଙ୍କ ମୃତ୍ୟୁ ହୋଇଥିବା ବେଳେ ଡ଼ାବୁଗାଁ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ଆଉ ଜଣଙ୍କ ମୃତ୍ୟୁ ଘଟିଛି।
ଘଟଣାସ୍ଥଳରେ ଡ଼ାବୁଗାଁ ପୋଲିସ ପହଞ୍ଚି ଗାଡ଼ି ଦୁଇଟି ଜବତ କରିବା ସହ ଅଧିକ ତଦନ୍ତ କରୁଛନ୍ତି। ବୋଲେରୋ ଡ୍ରାଇଭର ଦୁର୍ଘଟଣା ପରେ ଫେରାର ହୋଇଯାଇଛି।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
