ନବରଙ୍ଗପୁର: ନାଗରିକତା ସଂଶୋଧନ ଅଧିନିୟମକୁ ନେଇ ବିଜେପି ପକ୍ଷରୁ ଯେଉଁ ରାଜ୍ୟ ବ୍ୟାପି ଜନଜାଗରଣ କରାଯାଉଛି ସେନେଇ ମଙ୍ଗଳବାର ନବରଙ୍ଗପୁରର ସର୍କିଟ ହାଉସଠାରେ ଜିଲ୍ଲା ବିଜେପି ଦଳ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା ।
CAAକୁ ଆଇନକୁ ନେଇ ବିଭିନ୍ନ ରାଜନୈତିକ ଦଳ ଯେଉଁ ବିଶୃଙ୍ଖଳା ସୃଷ୍ଟି କରୁଛି ତାହାକୁ ଦଳ ଘୋର ନିନ୍ଦା କରିବା ସହ ଏହାର କାର୍ଯ୍ୟକାରିତା ନେଇ ସଚେତନତା କରାଯାଇଥିଲା l ବିଜେପି ସରକାର ଏହି ନିୟମ ପାରିତ କରି ଗାନ୍ଧିଜୀଙ୍କ ପ୍ରତି ଅସଲ ଶ୍ରଦ୍ଧାଞ୍ଜଳି ଦେଇଥିବା କହିଥିଲେ ପୂର୍ବତନ ସାଂସଦ ବଳଭଦ୍ର ମାଝୀ । ଏହାସହ ଏହି ନିୟମ ସମ୍ବିଧାନର ଧାରା 14କୁ ଉଲଙ୍ଘନ କରୁନଥିବା, ଭାରତର ସଂଖ୍ୟା ଲଘୁଙ୍କ ସହ ଏହାର ସମ୍ପର୍କ ନଥିବା ସହ ଏହାକୁ ନେଇ ଭୟଭୀତ ହେବାର କୌଣସି କାରଣ ନାହିଁ ବୋଲି ସୂଚନା ଦେଇଛି ଜିଲ୍ଲା ବିଜେପି ଦଳ ।
ସେହିଭଳି ଜିଲ୍ଲା ବିଜେପି କାର୍ଯ୍ୟକାରିଣୀ ସଦସ୍ୟ ଅବଦୁଲ ଗଫୁର ଏହି ଆଇନକୁ ସ୍ବାଗତ କରିବା ସହ ଆଫଗାନିସ୍ଥାନ, ପାକିସ୍ତାନ ଓ ବାଙ୍ଗଲାଦେଶ ଭଳି ଦେଶଙ୍କଠାରୁ ବିତାଡିତ ହୋଇଥିବା ବିଭିନ୍ନ ବ୍ୟକ୍ତିଙ୍କୁ ଭାରତରେ ନାଗରିକତା ଦେବା ଉଦ୍ଦେଶ୍ୟରେ ଏହି ଆଇନ ପ୍ରଣୟନ ହୋଇଥିବା କହିଛନ୍ତି l
ଏହାସହ ଏଠାରେ ଭାରତର କୌଣସି ନାଗରିକକୁ ହଟାଇବାର ଆଇନରେ ନଥିବା କହିବା ସହ କଂଗ୍ରେସ ଦଳର କାର୍ଯ୍ୟକୁ ତୀବ୍ର ସମାଲୋଚନା କରିଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
