ନବରଙ୍ଗପୁର: ଜିଲ୍ଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କୁ ଚିକିତ୍ସାଳୟରେ ଅବହେଳା କରାଯାଉଥିବା ପ୍ରତିବାଦ ତଥା ସବୁ ଜାଣି ସମସ୍ୟା ସମାଧାନ କରୁ ନଥିବା ଅଭିଯୋଗରେ ସିଡିଏମଓଙ୍କୁ ତାଲା ପକାଇଲେ ଭାରତ ବିକାଶ ପରିଷଦ କର୍ମୀ । ଫଳରେ ଘଟଣା ସ୍ଥଳରେ କିଛି ସମୟରେ ଉତ୍ତେଜନା ପ୍ରକାଶ ପାଇଥିଲା । ଖବର ପାଇ ନବରଙ୍ଗପୁର ଥାନା ଅଧିକାରୀ ମେଡିକାଲରେ ପହଞ୍ଚି ବୁଝାସୁଝା କରିବା ପରେ ତାଲା ଖୋଲିଥିଲେ କର୍ମୀ ।
ଭାରତ ବିକାଶ ପରିଷଦ କର୍ମୀଙ୍କ ଅଭିଯୋଗ ଅନୁଯାୟୀ, ମେଡିକାଲରେ ରୋଗୀଙ୍କୁ ଅବହେଳା କରାଯାଉଥିବା ଅଭିଯୋଗ କରି କର୍ମୀ ମାନେ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ 8 ଦଫା ସମ୍ବଳିତ ଦାବିପତ୍ର ପ୍ରଦାନ କରିଥିଲେ । ପରେ ସମସ୍ୟାର ସମାଧାନ ପାଇଁ ସିଡିଏମଓ ପ୍ରତିଶୃତି ଦେଇଥିଲେ । ତେବେ ଆଜି ରୋଗୀଙ୍କୁ ସମ୍ପର୍କୀୟଙ୍କ ସହ ଆଲୋଚନା କରି ସମସ୍ୟାର ସମାଧାନ ପାଇଁ ଅନୁରୋଧ କରିଥିଲେ । ପ୍ରଥମେ ରାଜି ହୋଇ ପରେ ଅରାଜି ହେବାରୁ ଉତ୍ୟକ୍ତ ଲୋକେ ସିଡିଏମଓଙ୍କୁ ତାଲା ପକାଇଦେଇଥିଲେ ।
ପରେ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ସମସ୍ୟା ସମାଧାନ କରିବା ପାଇଁ ପ୍ରତିଶୃତି ଦେବା ପରେ ପରିସ୍ଥିତି ସ୍ବାଭାବିକ ହୋଇଥିଲା ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
