ନବରଙ୍ଗପୁର: କିଛି ଦିନର ବ୍ୟବଧାନ ପରେ ନବରଙ୍ଗପୁର ଜିଲ୍ଲା ଉମରକୋଟ ଅଞ୍ଚଳରେ ପୁଣି ଭାଲୁ ବୁଲୁଥିବା ଦେଖିବାକୁ ମିଳିଛି । ଉମରକୋଟ ବ୍ଲକ୍ ମୁର୍ତୁମା ନିକଟ ଚାଷଜମି ନିକଟରେ 2ଟି ଭାଲୁ ବୁଲୁଥିବା ଦେଖିବାକୁ ପାଇଛନ୍ତି ଗ୍ରାମବାସୀ । ଫଳରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି ।
ତେବେ ଗ୍ରାମବାସୀ 2ଟି ଭାଲୁଙ୍କୁ ଚାଷଜମି ନିକଟରେ ବୁଲିଥିବାର ଦେଖିବା ପରେ ସେମାନେ ମକା କ୍ଷେତ ଦେଇ ଗୋଟିଏ ପୋଖରୀ ନିକଟକୁ ଯାଇଥିବା ଦେଖିବାକୁ ପାଇଛନ୍ତି । ପରେ ସ୍ଥାନୀୟ କିଛି ଯୁବକ ନିଆ ହୂଳା ଦେଖେଇ ଭାଲୁକୁ ଜଙ୍ଗଲ ମଧ୍ୟକୁ ଘଉଡାଇ ଦେଇଛନ୍ତି । ଗତ ୨୩ ତାରିଖରେ ମଧ୍ୟ ଉମରକୋଟ ନାୟକଗୁଡା ଗ୍ରାମରେ ଏକ ନିମ୍ବ ଗଛରେ ଏକ ଭାଲୁ ଚଢ଼ି ଦୁଇ ଦିନ ଯାଏ ଗଛରେ ରହିଥିଲା ।
ପରେ ବନ ବିଭାଗ ଭାଲୁକୁ ଟ୍ରାଙ୍କୁଲାଇଜ କରି ଧରିବା ପରେ ଭାଲୁକୁ ଜଙ୍ଗଲରେ ଛାଡିଥିଲା । ତେବେ ଏହି କିଛିଦିନର ବ୍ୟବଧାନ ପରେରେ ପୁଣି ଭାଲୁ ଦେଖି ଆତଙ୍କିତ ହୋଇ ପଡିଛନ୍ତି ସ୍ଥାନୀୟ ବାସିନ୍ଦା । ଏନେଇ କିଛି ସ୍ଥାୟୀ ସମାଧାନ ପାଇଁ ସାଧାରଣରେ ଦାବି ହୋଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
