ନବରଙ୍ଗପୁର: ଏଟିଏମ ଥାଇ ସୁଦ୍ଧା ଠିକ ସମୟରେ ଲୋକଙ୍କୁ ଯୋଗାଇ ପାରୁନି ସେବା । ଏଭଳି ଅଭିଯୋଗ ଆସିଛି ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ସଦର ମହକୁମାଠାରୁ । ଏଠାରେ ଥିବା ଷ୍ଟେଟ ବ୍ୟାଙ୍କ ଏଟିଏମରେ ପ୍ରାୟ ସବୁବେଳେ ସର୍ଭର ଡାଉନ ଥିବା ଅଭିଯୋଗ ଆସିଛି । ଫଳରେ ଏଠାକାର ଲୋକେ ସର୍ବଦା ହଇରାଣ ହେଉଛନ୍ତି ।
ଡାବୁଗାଁରେ ଏଟିଏମ ସେବା ବାଧାପ୍ରାପ୍ତ । ଏହି ଏଟିଏମରେ ବେଳେ ବେଳେ ଟଙ୍କା ନଥାଏ ତ ବେଳେ ବେଳେ ସର୍ଭର ନଥାଏ । ଏହି ଏଟିଏମର ମୁଖ୍ୟ ଅସୁବିଧା ହେଲା କେହି ଜଣେ ଗ୍ରାହକ ଟଙ୍କା ଉଠାଏ ତାହେଲେ ଅନ୍ୟ ଜଣ ବ୍ୟକ୍ତିକୁ ୧୦-୧୫ ମିନିଟ ଅପେକ୍ଷା କରିବାକୁ ପଡେ। କାରଣ ଟଙ୍କା ଉଠାଇ ସାରିବା ପରେ ଏଟିଏମ୍ ମେସିନ ହ୍ୟାଙ୍ଗ ହୋଇଯାଏ। ଏହି ଏଟିଏମ୍ ଉପରେ ଡାବୁଗାଁ ବ୍ଲକର ସମସ୍ତ ପଞ୍ଚାୟତ ନିର୍ଭରଶୀଳ। ଡାବୁଗାଁ ଠାରେ ଷ୍ଟେଟବ୍ୟାଙ୍କର ସୁବିଧା ଥିଲେ ମଧ୍ୟ ଲୋକେ ସେଠାରେ ଠିକ ସୁବିଧା ପାଇ ପାରୁନଥିବା କହିଛନ୍ତି।
ଟଙ୍କା ଉଠାଣ ବେଳେ ବହୁତ ଅସୁବିଧା ହେଉଥିବା ଜନ ସାଧାରଣରେ ଏବେ ଚର୍ଚ୍ଚାର ବିଷୟ ପାଲଟିଛି। ଏହି ବିଷୟରେ ଡାବୁଗାଁ ଜଣେ ବ୍ୟକ୍ତି ଅରୁଣ ପାତ୍ରଙ୍କୁ ପଚାରିବାରୁ ଏଟିଏମର ଅବବ୍ୟବସ୍ଥା ଓ ତାର ଠିକ ରୂପେ ପରିଚାଳନା କରାଯାଉନଥିବା କହିଛନ୍ତି। ଏପରି ଏଟିଏମ୍ ବ୍ୟବସ୍ଥା ଠିକ କରିବାକୁ ଜନ ସାଧାରଣ ଦାବି କରିଛନ୍ତି। ଏପରିକି ଜିଲ୍ଲା ବାହାରରୁ ଆସିଥିବା ଜଣେ ସାଧାରଣ ବ୍ୟକ୍ତି ପଇସା ଉଠାଇବାକୁ ଆସି ଟଙ୍କା ନଉଠାଇ ହୋଇରାଣ ହେଉଥିବା ଦେଖିବାକୁ ମିଳିଛି।
ନବରଙ୍ଗପୁର ତପନ ବିଷୋୟୀ, ଇଟିଭି ଭାରତ
