ନବରଙ୍ଗପୁର: ବେସରକାରୀ ଫାଇନାନ୍ସ ଗ୍ରୁପଙ୍କ ନାମରେ ଠକେଇ ଅଭିଯୋଗ । ନିରିହ ଗରିବ ଲୋକମାନଙ୍କ ଠୁ ହଜାର ହଜାର ଟଙ୍କା ଠକି ନେଉଛନ୍ତି ବେସରକାରୀ ସ୍ପଦନା ଫାଇନାନ୍ସ ଗ୍ରୁପର ବ୍ୟାଙ୍କ ମ୍ୟାନେଜର ଓ ଫିଲ୍ଡ ଅଫିସର ବାବୁମାନେ । ଏହିପରି ଏକ ଘଟଣା ସାମନାକୁ ଆସିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକରେ।
ସୂଚନା ଅନୁଯାୟୀ, ବେସରକାରୀ ସ୍ପନ୍ଦନା ଫାଇନାନ୍ସ ଗ୍ରୁପ ବିଭିନ୍ନ ଗ୍ରାମର ମହିଳାମାନଙ୍କୁ ନେଇ ଗ୍ରୁପ କରି ୨୫ହଜାର ଟଙ୍କାରୁ ଉର୍ଦ୍ଧ୍ବ ଟଙ୍କା ଋଣ ଦେଇଥାନ୍ତି। ମାସକୁ ଦୁଇଟି କିସ୍ତି ଅନୁସାରେ ସୁଧମୂଳ ସହିତ ମାସକୁ ଦୁଇ ଥର ଆଦାୟ କରିଥାନ୍ତି। ଏହିପରି ଠକାମିର ଅଭିଯୋଗ ଆସିଛି ରାଇଘର ସ୍ଥିତ ସ୍ପନ୍ଦନା ଫାଇନାନ୍ସ ଗ୍ରୁପଙ୍କ ନାମରେ।
ରାଇଘର ବ୍ଲକ ଛତିଶଗଡ଼ ସିମାନ୍ତବର୍ତ୍ତୀ ଅଞ୍ଚଳରେ ଥିବା ମାକଡ଼ି ଗାଁରୁ ୧୦ ଜଣ ମହିଳାଙ୍କୁ ନେଇ ଏକ ଗ୍ରୁପ କରି ଜଣକ ପିଛା ୨୫ହଜାର ଟଙ୍କା ଲେଖାଏଁ ଋଣ ଦେଇଥିଲେ। ସେମାନେ ପନ୍ଦର ଦିନକୁ ଥରେ ଜଣକ ପିଛା ଗୋଟିଏ କିସ୍ତିରେ ୭୯୦ଟଙ୍କା ହିସାବରେ ୧୦ଜଣଙ୍କର ୭୯୦୦ଟଙ୍କା ସ୍ପନ୍ଦନା ଫାଇନାନ୍ସ ଗ୍ରୁପର ଫିଲ୍ଡ ଅଫିସର ବିଶ୍ବ ରଜନ ବାରିକଙ୍କ ହାତରେ ଜମା ଦେଉଥିଲେ।
ସ୍ପନ୍ଦନା ଫାଇନାନ୍ସ ଗ୍ରୁପର ବ୍ୟାଙ୍କ ମ୍ୟାନେଜର ମନୋଜ କୁମାର ସାହୁ ,ଫିଲ୍ଡ ଅଫିସର ବିଶ୍ବ ରଜନ ବାରିକ ଦୁଇ ଜଣ ଏହି ଗ୍ରାମବାସୀଙ୍କୁ କହିଥିଲେ ଯେ ଏକସାଙ୍ଗରେ 8ଟି କିସ୍ତିର ଟଙ୍କା ଜମା କଲେ, ଆପଣଙ୍କୁ ଚାଷ ସମୟରେ ୧୫ଦିନ ଭିତରେ ଆଉ ଏକ ନୂଆ ଋଣ ଦିଆଯିବ । ତେଣୁ ସେମାନେ ୧୫ଦିନ ପାଇଁ ସେହି ଗାଁର ମହାଜନଙ୍କ ଠାରୁ ୧୦୦ଟଙ୍କାକୁ ୧୦ଟଙ୍କା ସୁଧରେ ହାରରେ ୬୩୨୦୦ ଟଙ୍କା ଋଣ ଆଣି ଫିଲ୍ଡ଼ ଅଫିସର-ବିଶ୍ଵ ରଜନ ବାରିକ ହାତରେ ଟଙ୍କା ଜମା ଦେଇଥିଲେ।
କିନ୍ତୁ ପରେ ଉକ୍ତ ଲୋକ ମାନଙ୍କୁ ଋଣ କିମ୍ବା ମୂଳ ଟଙ୍କା ମଧ୍ୟ ମିଳିଲା ନାହିଁ। ସ୍ପନ୍ଦନା ଫାଇନାନ୍ସ ଅଫିସକୁ ୩ମାସ ଯାଏଁ ଦଉଡି ଦଉଡି ନୟାନ୍ତ ହେଲେ ସୁଦ୍ଧା ସେମାନଙ୍କୁ ଋଣ ଦିଆଗଲା ନାହିଁ ।
ବ୍ୟାଙ୍କର କର୍ମଚାରୀ ଆରଏମ୍ କୁ ପଚାରି ବୁଝିବାରୁ ବ୍ୟାଙ୍କରେ ସେମାନଙ୍କ ଟଙ୍କା ଜମା ହୋଇ ନଥିବା ସେମାନେ ଜାଣିବାକୁ ପାଇଥିଲେ । ତେବେ ଏହି ନୀରିହ ମାନେ ୭୦ହଜାର ଟଙ୍କା ସହ ସୁଧ ପଇସା କେମିତି ସୁଝିବେ ଚିନ୍ତାରେ ପଡ଼ି ମୁଣ୍ଡରେ ହାତ ଦେଇ ବସିଛନ୍ତି।
ନବରଙ୍ଗପୁରରୁ ତପନ ବିଶୋଇ, ଇଟିଭି ଭାରତ
