ନବରଙ୍ଗପୁର: ଦେଶରେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଜାରି ରହିଛି ଲକଡାଉନ୍ । ଏହି କୋରୋନା ଲକଡାଉନ୍କୁ ନେଇ ଚାଷ କାର୍ଯ୍ୟ କିପରି ଚାଲିବ ଭାବି ଚିନ୍ତାରେ ଥିଲେ ଚାଷୀ l ଚାଷ କାର୍ଯ୍ୟରେ ଲକଡାଉନ କଟକଣା କୋହଳ ହେବା ପରେ ଚାଷୀମାନଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଛି l ଚାଷ କାର୍ଯ୍ୟ ଆରମ୍ଭ କରିବାକୁ ସରକାର ଅନୁମତି କ୍ରମେ ହଳ ଲଙ୍ଗଳ ଧରି ନିଜ ନିଜର ଜମିରେ ଚାଷ କାର୍ଯ୍ୟ ଆରମ୍ଭ କରିଛନ୍ତି ଏହି ଚାଷୀ l
ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ଅଞ୍ଚଳର ବିଭିନ୍ନ ଗ୍ରାମାଞ୍ଚଳର ଜମିରେ ଚାଷୀମାନେ ଗୋବର ଖତ ପକାଇ ହଳ କରି ଜମିକୁ ଚାଷ ଉପଯୋଗୀ କରୁଥିବାର ଦେଖିବାକୁ ମିଳିଛି l ତେବେ ଏହି ଚାଷ କାର୍ଯ୍ୟ ସମୟରେ ସମାଜିକ ଦୂରତାକୁ ବଜାୟ ରଖିବା ପାଇଁ ଗୁରୁତ୍ବ ଦେବାକୁ ସରକାର ନିର୍ଦ୍ଦେଶ ଦେଇଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
