ନବରଙ୍ଗପୁର: ଠେଙ୍ଗାରେ ପିଟି ପିଟି ବୃଦ୍ଧକୁ ହତ୍ୟା କରିବା ପରେ ଥାନାରେ ଆତ୍ମ ସମର୍ପଣ କଲା ଅଭିଯୁକ୍ତ । ଜଙ୍ଗଲରୁ ମୃତଦେହ ଉଦ୍ଧାର କଲା ପୋଲିସ । ଏପରି ଏକ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅନ୍ତର୍ଗତ ମାନିଗାଁରେ ।
ମୃତକ ଜଣକ ହେଲେ ମାନିଗାଁର ଭଗ୍ନ ମାଝୀ(୫୫) । ଅଭିଯୁକ୍ତ ଜଣକ ସେହି ଗ୍ରାମର ବଇଦୁ ମାଝୀ (୪୦) ବୋଲି ଜଣାପଡିଛି । ସୂଚନା ଅନୁଯାୟୀ ଡ଼ାବୁଗାଁ ଥାନା ଅନ୍ତର୍ଗତ ମାନିଗାଁର ଭଗ୍ନ ମାଝୀଙ୍କ ଝିଅ ପ୍ରଶାନ୍ତିର ବାହାଘର ଗତକାଲି(ଶୁକ୍ରବାର) ମାନିଗାଁର ଜଣେ ଯୁବକଙ୍କ ସହ ହୋଇଥିଲା । ପରିବାର ଲୋକେ ହସଖୁସିରେ ଥିବାବେଳେ ବଇଦୁ କୌଣସି କାରଣ ପାଇଁ ଭଗ୍ନକୁ ନିକଟସ୍ଥ ଜଙ୍ଗଲକୁ ଡାକିଥିଲେ । ଏହାପରେ ସେ ସେଠାରେ ଭଗ୍ନଙ୍କୁ ଠେଙ୍ଗାରେ ପିଟି ପିଟି ହତ୍ୟା କରିଛି । ମୃତଦେହ ନେଇ ଅନ୍ୟତ୍ର ଯିବାବେଳେ ସ୍ଥାନୀୟ ଲୋକେ ଦେଖିବାରୁ ସେହିଠାରେ ଛାଡି ଚାଲିଯାଇଥିବା ଜଣାପଡିଛି ।
