ନବରଙ୍ଗପୁର: ପଞ୍ଚାୟତ ନିର୍ବାଚନ ପାଇଁ ସରଗରମ ରହିଛି ରାଜନୀତି ପାଣିପାଗ । ଶୁକ୍ରବାର ନାମାଙ୍କନ ଦାଖଲ ପ୍ରକ୍ରିୟା ଶେଷ ହୋଇଛି । ଏହାପରେ ଯାଞ୍ଚ ପ୍ରକ୍ରିୟା ଜାରି ରହିଛି । ସମିତି ସଭ୍ୟ ପ୍ରାର୍ଥୀରୁ ବଞ୍ଚିତ ହେବାରୁ ବିଡିଓ ଅଫିସ ସମ୍ମୁଖରେ ନମିତାଙ୍କ ଆମରଣ ଅନଶନ। ଜିଲ୍ଲାର ବିଡିଓ ଅଫିସ ସମ୍ମୁଖରେ ସେ ଅନଶନରେ ବସିଛନ୍ତି ।
ସମିତି ସଭ୍ୟ ଟିକେଟ ନାକଜ ହେବାରୁ ଆମରଣ ଅନଶନରେ ନମିତା ସଗରିଆ
ତେନ୍ତୁଳିଖୁଣ୍ଟି ବ୍ଳକ କାମତା ଜୋନ 1 ପଞ୍ଚାୟତରେ ସମିତି ସଭ୍ୟ ଭାବେ ନମିତା ସଗରିଆ ନାମାଙ୍କନ ପତ୍ର ଦାଖଲ କରିଥିଲେ । ଯାଞ୍ଚ ସମୟରେ ଜାଲ ଜାତିଗତ ପ୍ରମାଣପତ୍ର ଦେଇଥିବା ଦର୍ଶାଇ ନାମାଙ୍କନ ପତ୍ର ନାକଚ ହୋଇଛି । ଗତ ଜାନୁଆରୀ 18ରେ SC ପ୍ରମାଣପତ୍ର ମିଳିଥିବା ସତ୍ବେ କେଉଁ ଆଧାରରେ ଜାଲ ହେଲା ସେ ଦାବି କରି ଗତକାଲି ଠାରୁ ଆମରଣ ଅନଶନରେ ବସିଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ ‘‘ମୁଁ ଗର୍ଭବତୀ ଅଛି , ଯଦି ମୋତେ ପ୍ରମାଣପତ୍ର ଦେଇ ସମିତି ସଭ୍ୟ ପାଇଁ ଲଢିବାକୁ ସୁଯୋଗ ଦିଆନଯାଏ ତେବେ ମୁଁ ଆତ୍ମହତ୍ୟା କରିବି’’ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଈଟିଭି ଭାରତ
