ନବରଙ୍ଗପୁର: ନଦୀରେ ବୁଡି ନାବାଳକର ମୃତ୍ୟୁ। ଏଭଳି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ଝାଡବନ୍ଦ ଗୁଡା ପଞ୍ଚାୟତ ଇନ୍ଦ୍ରାବତୀ ନଦୀରେ । ଜଣେ 15 ବର୍ଷିୟ ନାବାଳକ ନଦୀକୁ ଗାଧୋଇବାକୁ ଯାଇଥିବା ସମୟରେ ହଠାତ ବୁଡି ଯାଇଥିଲେ l ଏହା ଦେଖି ସ୍ଥାନୀୟ ଲୋକେ ନାବାଳକଙ୍କ ପରିବାର ଲୋକଙ୍କୁ ଜଣାଇବା ପରେ ନନ୍ଦାହାଣ୍ଡି ଅଗ୍ନିଶମ ଵିଭାଗକୁ ଖବର ଦେଇଥିଲେ l
ଇନ୍ଦ୍ରାବତୀ ନଦୀରେ ବୁଡି ନାବାଳକ ମୃତ
ଘଟଣାସ୍ଥଳରେ ଅଗ୍ନିଶମ ଵିଭାଗ ପହଞ୍ଚି ନଦୀରେ ପ୍ରାୟ ଅଧ ଘଣ୍ଟା ଖୋଜାଖୋଜି କରିବାପରେ ନାବାଳକ ଜଣଙ୍କୁ ଉଦ୍ଧାର କରି ନନ୍ଦାହାଣ୍ଡି ସିଏଚସିକୁ ଆଣିଥିଲେ l ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ମୃତକ ଜଣଙ୍କ ହେଉଛନ୍ତି ଉସରୀପଦର ଗାଁର ଜନେସ ଅନକିଙ୍କ ପୁଅ ଉମେଶ ଅନକି । ପୋଲିସକୁ ଖବର ଦେବା ପରେ ମୃତଦେହ ବ୍ୟବଛେଦ ପାଇଁ ପଠାଯିବ ବୋଲି ଡାକ୍ତର କହିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
