ନବରଙ୍ଗପୁର: ଜିଲ୍ଲାରେ ଗତ 24 ଘଣ୍ଟା ମଧ୍ୟରେ 264 କୋରୋନା ପଜିଟିଭ ଚିହ୍ନଟ ହୋଇଛନ୍ତି । ମଙ୍ଗଳବାର ନୂଆ ଚିହ୍ନଟ ସଂକ୍ରମିତଙ୍କୁ ମିଶାଇ ଜିଲ୍ଲାରେ ମୋଟ ସଂକ୍ରମିତ ସଂଖ୍ୟା 20 ହଜାରକୁ ଟପିଛି l ସୋମବାର ଦିନ 205 ଜଣ ସଂକ୍ରମିତ ଚିହ୍ନଟ ହୋଇଥିବାବେଳେ ମଙ୍ଗଳବାର 264 ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଗୋଟିଏ ଦିନରେ 59 ଜଣ ସଂକ୍ରମିତ ସଂଖ୍ୟା ବଢିଛି ।
ଜିଲ୍ଲାରେ ମୋଟ 2,83,667 ଜଣଙ୍କର ସ୍ୱାବ ପରୀକ୍ଷା କରାଯାଇଛି । ସେଥିମଧ୍ୟରୁ 20,201ଜଣ କରୋନା ଆକ୍ରାନ୍ତ ହୋଇଥିବାବେଳେ 17,391 ସୁସ୍ଥ ହୋଇଛନ୍ତି । ବର୍ତ୍ତମାନ ଜିଲ୍ଲାରେ ମୋଟ 2,658 ସକ୍ରିୟ ସଂକ୍ରମିତ ରହିଥିବା ବେଳେ ସେଥିମଧ୍ୟରୁ 2,470 ଜଣ ନିଜଘରେ ସଙ୍ଗରୋଧରେ ରହିଛନ୍ତି । ଏବଂ ଅନ୍ୟ 188 ଅସ୍ଥାୟୀ ଚିକିତ୍ସା କେନ୍ଦ୍ର ସହିତ ଜିଲ୍ଲା ଓ ଜିଲ୍ଲା ବାହାରର ବିଭିନ୍ନ କୋଭିଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ମଙ୍ଗଳବାର ଚିହ୍ନଟ ହୋଇଥିବା 264 ନୂଆ ସଂକ୍ରମିତଙ୍କ ମଧ୍ୟରୁ ସର୍ବାଧିକ ନନ୍ଦାହାଣ୍ଡି ବ୍ଲକରୁ 57, ଝରିଗାଁ ବ୍ଲକରୁ 32, ପାପଡାହାଣ୍ଡି ବ୍ଲକରୁ 30 ସଂକ୍ରମିତ ଚିହ୍ନଟ ହୋଇଥିବାବେଳେ ତେନ୍ତୁଳିଖୁଣ୍ଟି ବ୍ଲକରୁ 27, ନବରଙ୍ଗପୁର ପୌରାଞ୍ଚଳ ଓ ଉମରକୋଟ ବ୍ଲକରୁ 23 ଜଣ ଲେଖାଏଁ, ଚନ୍ଦାହାଣ୍ଡି ବ୍ଲକରୁ 17, ଉମରକୋଟ ପୌରାଞ୍ଚଳ ଏବଂ ରାଇଘର ଓ କୋଷାଗୁମୁଡା ବ୍ଲକରୁ 13 ଜଣ ଲେଖାଏଁ, ଡାବୁଗାଁ ବ୍ଲକରୁ 10 ଜଣ ଏବଂ ନବରଙ୍ଗପୁର ବ୍ଲକରୁ 6 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି l
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
