ନବରଙ୍ଗପୁର: ରାଜ୍ୟରେ କୋରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଛି । ଏହା ମଧ୍ୟରେ ଶନିବାର ନବରଙ୍ଗପୁର ଜିଲ୍ଲାରେ 22 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ତରଫରୁ ସୂଚନା ପାଇବା ପରେ ନବରଙ୍ଗପୁର ଜିଲ୍ଲାପାଳ ଏନେଇ ସୂଚନା ଦେଇଛନ୍ତି ।
ଶନିବାର ଚିହ୍ନଟ 22 ଆକ୍ରାନ୍ତଙ୍କ ମଧ୍ୟରୁ ଦୁଇ ଜଣ କୋରୋନା ଯୋଦ୍ଧା ରହିଥିବାବେଳେ ଅନ୍ୟ ସମସ୍ତ ଆକ୍ରାନ୍ତ ଜିଲ୍ଲାର ନବରଙ୍ଗପୁର ମ୍ୟୁନିସିପାଲିଟି ସମେତ ନନ୍ଦାହାଣ୍ଡି, କୋଶାଗୁମୁଡ଼ା, କୋଡ଼ିଙ୍ଗା ପ୍ରଭୃତି ବ୍ଲକରୁ ଚିହ୍ନଟ ହୋଇଥିବା ଜିଲ୍ଲାପାଳ ସୂଚନା ଦେଇଛନ୍ତି ।
ସମସ୍ତ ଆକ୍ରାନ୍ତଙ୍କୁ ନବରଙ୍ଗପୁରସ୍ଥିତ କୋଭିଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଶନିବାର ଚିହ୍ନଟ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୧୬୨ରେ ପହଁଚିଛି । ମୋଟ ମାମଲା ମଧ୍ୟରୁ ୩୫ ଜଣ ଚିକିତ୍ସାଧୀନ ଥିବାବେଳେ ଅନ୍ୟ ସମସ୍ତେ ସୁସ୍ଥ ହୋଇ ଘରକୁ ଫେରିଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
