ବିଶ୍ବ ପ୍ରକୃତି ସଂରକ୍ଷଣ ଦିବସରେ ଜନ ସଚେତନତା ରାଲି

ବିଶ୍ବ ପ୍ରକୃତି ସଂରକ୍ଷଣ ଦିବସ ଅବସରରେ ଜନ ସଚେତନତା ରାଲି । ମୟୁରଭଞ୍ଜ ଜିଲ୍ଲା ବହଳଦା ବ୍ଲକ ଝରାଡିହିରେ ପ୍ରକୃତି ସଂରକ୍ଷଣ ଉପରେ ଏକ ଜନ ସଚେତନତା ରାଲି କରାଯାଇଛି ।

ରାଇରଙ୍ଗପୁର: ଆଜି(ରବିବାର) ବିଶ୍ବ ପ୍ରକୃତି ସଂରକ୍ଷଣ ଦିବସ । ଏହି ଅବସରରେ ମୟୁରଭଞ୍ଜ ଜିଲ୍ଲା ବହଳଦା ବ୍ଲକ ଝରାଡିହିରେ ପ୍ରକୃତି ସଂରକ୍ଷଣ ଉପରେ ଏକ ଜନ ସଚେତନତା ରାଲି କରାଯାଇଛି । ଆଦର୍ଶ କ୍ଲବ ପକ୍ଷରୁ ଆୟୋଜିତ ଏହି ସଚେତନତା ରାଲିରେ ଛାତ୍ରଛାତ୍ରୀ ମାନେ ଯୋଗଦେଇଥିଲେ ।

ପ୍ଲାକାର୍ଡ ଧରି ସେଭ୍‌ ୱାଟର ସେଭ୍‌ ଲାଇଫ୍‌, ବିଶୁଦ୍ଧ ବାୟୁ ଆମ ଜୀବନ, ବିଶୁଦ୍ଧ ଜଳ ଆମଜୀବନ, ଜଙ୍ଗଲକ୍ଷୟ ବନ୍ଦ କର, ବୃକ୍ଷରୋପଣ ଆମ କର୍ତ୍ତବ୍ୟ ଆଦି ସ୍ଲୋଗାନ ଦେଇ କୁନି କୁନି ଛାତ୍ରଛାତ୍ରୀ ମାନେ ବଜାର ପରିକ୍ରମା କରିଥିଲେ ।

ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ