ଫରେଷ୍ଟ ଗାର୍ଡଙ୍କୁ ମାଡ ମାରି କାଠ ଗାଡି ଲୁଟିନେଲେ ମାଫିଆ

କାଠ ମାଫିଆଙ୍କ ମାଡରେ ଦୁଇ ଫରେଷ୍ଟ ଗାର୍ଡ ଗୁରୁତର । ମୟୂରଭଞ୍ଜ ଜିଲ୍ଲା ବାରିପଦା ବନଖଣ୍ଡ ମହୁଲଡିହା ଅଞ୍ଚଳରେ ଘଟିଛି ଘଟଣା । ଅଧିକ ସୂଚନା ପାଇଁ ପଢନ୍ତୁ..

ବାରିପଦା: କାଠ ମାଫିଆଙ୍କ ନିସ୍ତୁକ ମାଡ଼ରେ ଲହୁଲୁହାଣ ହେଲେ ବନକର୍ମଚାରୀ । ତାଙ୍କୁ ମାଡ ମାରି ଚୋରା କାଠ ଗାଡିକୁ ଫେରାର କରି ନେଇଗଲେ କାଠ ମାଫିଆ । ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବାରିପଦା ବନଖଣ୍ଡ ମହୁଲଡ଼ିହା ଅଞ୍ଚଳରେ ।

ସୂଚନା ମୁତାବକ ଆଜି ବନକର୍ମଚାରୀ ମାନେ ମହୁଲଡିହା ଅଞ୍ଚଳରେ ପେଟ୍ରୋଲିଂ କରୁଥିବା ବେଳେ ଏକ କାଠ ବୋଝେଇ ପିକଅପକୁ ଅଟକାଇଥିଲେ । ଅଟକ ଗାଡିକୁ ଯାଞ୍ଚ ବେଳେ ସେଥିରେ ଚୋରା କାଠ ଚାଲାଣ ହେଉଥିବା ଜଣାପଡିଥିଲା । କିଛି ସମୟ ପରେ ପାଞ୍ଚ ଛଅଟି ବାଇକରେ 10 ରୁ ଅଧିକ ଯୁବକ ଆସି ଅଚାନକ ବନକର୍ମଚାରୀଙ୍କୁ ଆକ୍ରମଣ କରି ଘଟଣାସ୍ଥଳରୁ କାଠ ବୋଝେଇ ପିକଅପକୁ ନେଇ ଫେରାର ହୋଇଯାଇଥିଲେ ।