ବାରିପଦା: ଗାଁକୁ ବିଦ୍ୟୁତ୍ ସଂଯୋଗ ହୋଇ ନଥିବାରୁ ଗ୍ରାମବାସୀଙ୍କ ରାସ୍ତାରୋକ । ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ସାଗର ସାହି ଗ୍ରାମରେ ଦୀର୍ଘଦିନ ହେବ ଗାଁକୁ ଖୁଣ୍ଟି ପଡ଼ିଥିବାବେଳେ ଆଜି ପର୍ଯ୍ୟନ୍ତ ବିଦ୍ୟୁତ୍ ସଂଯୋଗ ହେଉନଥିବାବେଳେ ବିଲ ଆସୁଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଗାଁକୁ ବିଜୁଳି ନାହିଁ କିନ୍ତୁ ଆସିଛି ବିଲ, ସମାଧାନ ପାଇଁ ଗ୍ରାମବାସୀଙ୍କ ରାସ୍ତାରୋକ
ଏହି ପ୍ରତିବାଦରେ ଆଜି(ଗୁରୁବାର) ସାଗର ସାହି ଗ୍ରାମର ଗ୍ରାମବାସୀ କପ୍ତିପଦା-ଠାକୁରମୁଣ୍ଡା ରାସ୍ତା ପଥରଖଣି ଛକ ଠାରେ ରାସ୍ତାରୋକ କହିଛନ୍ତି । ଫଳରେ ରାସ୍ତାରେ ଗାଡ଼ି ଚଳାଚଳ ବନ୍ଦ ରହିଛି । ତେବେ ସମସ୍ୟା ସମାଧାନ ନହେଲେ ରାସ୍ତାରୋକରୁ ହଟିବେ ନାହିଁ ବୋଲି କହିଛନ୍ତି ଗ୍ରାମବାସୀ । ଅନ୍ୟପକ୍ଷରେ ଘଟଣା ସ୍ଥଳରେ ବିଦ୍ୟୁତ ବିଭାଗ ଓ ପୋଲିସ ପହଞ୍ଚି ଆନ୍ଦୋଳନକାରୀଙ୍କ ସହ ଆଲୋଚନା ଜାରି ରଖିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
