ରାଇରଙ୍ଗପୁର: ଦିନକୁ ଦିନ ବଢିଚାଲିଛି ଡକାୟତି, ଲୁଟ ଭଳି ଅପରାଧ । ପୁଣି ଏମିତି ଏକ ବ୍ୟାଙ୍କ ଲୁଟର ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନଥାନାରେ ଅନ୍ତର୍ଗତ ରାଇରଙ୍ଗପୁର ୟୁକୋ ବ୍ୟାଙ୍କରେ । ଡକାୟତମାନେ ୟୁକୋ ବ୍ୟାଙ୍କର କାନ୍ଥ ଭାଙ୍ଗି ଡକାୟତି ଉଦ୍ୟମ କରିଛନ୍ତି ।
ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଚୋରମାନେ ବ୍ୟାଙ୍କର କାନ୍ଥ ଭାଙ୍ଗି ଭିତରକୁ ପଶିଥିଲେ । ତେବେ ରାଇରଙ୍ଗପୁର ଟାଉନ ଥାନାର ପାଟ୍ରୋଲିଂ ଗାଡ଼ି ରାତି ପ୍ରାୟ 3ଟା ସମୟରେ ବଜାର ଭିତରେ ପାଟ୍ରୋଲିଂ କରୁଥିଲା ।ପୋଲିସ ଗାଡିକୁ ଦେଖି ଦୁର୍ବୃତ୍ତମାନେ ଫେରାର ହୋଇଯାଇଥିଲେ। ଘଟଣାରେ ସମ୍ପୃକ୍ତ ୪ ଜଣ ଦୁର୍ବୃତ୍ତ ଫେରାର ହୋଇଯାଇଥିବା ପୋଲିସ ପାଟ୍ରୋଲିଂ ଟିମ୍ ଦେଖିଛନ୍ତି ।
ଚୋରମାନେ ଛାଡ଼ିଥିବା ଚପଲ ଓ ଗ୍ଲୋବ୍ସକୁ ରାଇରଙ୍ଗପୁର ଟାଉନ ପୋଲିସ ଜବତ କରି ଘଟଣାର ତଦନ୍ତ ଆରମ୍ଭ କରିବା ସହିତ ସାଇନ୍ଟିଫିକ୍ ଟିମକୁମଧ୍ୟ ଡକାଇଛି । ତେବେ ବ୍ୟାଙ୍କରୁ କ’ଣ ସବୁ ଚୋରି ହୋଇଛି କି ଚୋରି ଉଦ୍ୟମ ବିଫଳ ହୋଇଛି ସେ ସମ୍ପର୍କରେ ପୋଲିସ ତଦନ୍ତ ପରେ ଜଣାପଡ଼ିବ ।
ତେବେ ରାଇରଙ୍ଗପୁର ସହରର ମୁଖ୍ୟ ବଜାରରେ ଥିବା ବ୍ୟାଙ୍କର କାନ୍ଥ ଭାଙ୍ଗି ଡକାୟତି ଉଦ୍ୟମ ଘଟଣା । ସେ ପୁଣି ପୋଲିସ ପାଟ୍ରୋଲିଂ କରୁଥିବା ସମୟରେ ଯାହା ସାଧାରଣରେ ଚର୍ଚ୍ଚାର ବିଷୟ ପାଲଟିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
