ବାରିପଦା: ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ନିର୍ବାହୀ ଯନ୍ତ୍ରୀଙ୍କ ଘରେ ପୁଣି ଭିଜିଲାନ୍ସ ରେଡ୍। ପାଖାପାଖି ୧ମାସ ୧୮ ଦିନ ପରେ ଆଜି ପୁଣି ଥରେ ହେଉଛି ଭିଜିଲାନ୍ସ ଚଢାଉ।
ସୂଚନା ଥାଉକି, ଗତ ତା.୧୦.୧୨.୧୯ ତାରିଖରେ ସୋର ଗ୍ରାମ୍ୟ ଉନ୍ନୟନ ବିଭାଗର ସହକାରୀ ନିର୍ବାହୀ ଯନ୍ତ୍ରୀ ଅଜୟ ବେହେରାଙ୍କ ୫ଟି ସ୍ଥାନରେ ଭିଜିଲାନ୍ସ ଚଢାଉ ହୋଇଥିଲା । ହେଲେ ତାଲା ବନ୍ଦ ଥିବାରୁ ତାଙ୍କ ବାରିପଦାର ସୁନଗଡିଆସ୍ଥିତ ୩ମହଲା ବିଶିଷ୍ଟ ବାସଭବନରେ ଚଢାଉ ହୋଇପାରି ନଥିଲା ।
ପୁଣି ନିର୍ବାହୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ, ଛାନଭିନ ଜାରି
ସେ ସମୟରେ ଯନ୍ତ୍ରୀ ଅଜୟ ବେହେରା ଫେରାର ମଧ୍ୟ ଥିଲେ ପରେ ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଥିଲା। ଆଜି ଭିଜିଲାନ୍ସ ବିଭାଗ ପକ୍ଷରୁ ବାରିପଦାସ୍ଥିତ ନିଜ ବାସଭବନରେ ଚଢାଉ ହୋଇଛି। ବାରିପଦା ଓ ବାଲେଶ୍ବର ଭିଜିଲାନ୍ସ ବିଭାଗର ମିଳିତ ଟିମ୍ ଏହି ଚଢାଉ କରିଛନ୍ତି। ଛାନଭିନ୍ ଜାରି ରହିଥିବାରୁ ବର୍ତ୍ତମାନ ସୁଦ୍ଧା ଭିଜିଲାନ୍ସ ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିନାହିଁ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି,ଇଟିଭି ଭାରତ
