ବାରିପଦା: ପୌରପରିଷଦ ଯନ୍ତ୍ରୀଙ୍କ କାର୍ଯ୍ୟାଳୟରେ ଚଢ଼ାଉ କରିଛି ଭିଜିଲାନ୍ସ ବିଭାଗ । ବାରିପଦା ସହରରେ ଥିବା ବିଭିନ୍ନ ପାର୍କର ଆୟବ୍ୟୟ ଏବଂ ପାର୍କର ବିଭିନ୍ନ କାର୍ଯ୍ୟ ସମ୍ପର୍କରେ ତଦନ୍ତ ଆରମ୍ଭ କରିଛି ଭିଜିଲାନ୍ସ ବିଭାଗ । ପୂର୍ବରୁ ଯନ୍ତ୍ରୀଙ୍କ ନାମରେ ଅଭିଯୋଗ ଥିଲା । ତା ସହିତ ବାରିପଦା ପୌରପାଳିକାର କାର୍ଯ୍ୟଳୟର କାର୍ଯ୍ୟ ଓ କାର୍ଯ୍ୟକାରୀ ଅଧିକାରୀମାନଙ୍କୁ ନେଇ ଅନେକ ବିବାଦ ଲାଗି ରହିଥିଲା । ଏହାକୁ ନେଇ ଭିଜିଲାନ୍ସ ବିଭାଗ ବାରିପଦା ପୌରପରିଷଦ କାର୍ଯ୍ୟାଳୟ ଉପରେ ଚଢ଼ାଉ କରିଛି ଭିଜିଲାନ୍ସ ଟିମ୍ ।
ଏହି ପୌରପରିଷଦ ଅଞ୍ଚଳରେ ସମସ୍ୟା ଅନେକ ରହିଥିବା ବେଳେ କୌଣସି କାର୍ଯ୍ୟ ହାତକୁ ନିଆଯାଉନାହିଁ । ପୌରପାଳିକା ଅଧୀନରେ ଥିବା ପାର୍କ ଓ ଏଠାରେ ହେଉଥିବା କାର୍ଯ୍ୟ ଅନୁଦାନ ହରିଲୁଟ୍ କରାଯାଉଥିବା ଅଭିଯୋଗ ହେଉଥିଲା । ଭିଜିଲାନ୍ସ ଟିମ୍ ପାର୍କ ଗୁଡିକ ପାଇଁ ହୋଇଥିବା ଖର୍ଚ୍ଚକୁ ନେଇ ପ୍ରଶ୍ନ କରୁଛି ଭିଜିଲାନ୍ସ ଟିମ୍ । ଭିଜିଲାନ୍ସ ସ୍କାନରରେ ରହିଛନ୍ତି ବାରିପଦା ପୌରପାଳିକା ଅଧିକାରୀ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
