ରାଇରଙ୍ଗପୁର: ମହାରାଷ୍ଟ୍ରର ଘରୋଇ କମ୍ପାନୀରେ କାର୍ଯ୍ୟ କରୁଥିବା ଓଡ଼ିଶାର ବିଭିନ୍ନ ଜିଲ୍ଲାର 24 ଜଣ ଓଡିଆ ପ୍ରବାସୀଙ୍କ ପାଇଁ ଦେବଦୂତ ସାଜିଲେ ମୟୂରଭଞ୍ଜ ଜିଲ୍ଲାର ଦୁଇ ଯୁବନେତା । ଦେଶରେ ଲାଗୁ ହୋଇଥିବା ଲକଡାଉନ ଯୋଗୁଁ ମହାରାଷ୍ଟ୍ରର ଘରୋଇ କମ୍ପାନୀରେ କାମ କରିବାକୁ ଯାଇଥିବା ୨୪ ଜଣ ଓଡିଆ ପ୍ରବାସୀ ଅସହାୟ ଅବସ୍ଥାରେ ଫସି ରହିଥିଲେ ।
ଲକଡାଉନ ଯୋଗୁଁ କମ୍ପାନୀ ଓ ଘରମାଲିକ ସେମାନଙ୍କୁ ତଡି ଦେବାର ଧମକ ଦେବା ପରେ ଅସହାୟ ହୋଇ ପଡିଥିଲେ । ଏନେଇ ସେମାନେ ଫୋନ ଯୋଗେ ମୟୂରଭଞ୍ଜ ଜିଲ୍ଲାର 2 ଯୁବ ନେତା ଦେବାଶିଷ ମାରାଣ୍ଡି ଓ ସେକ୍ ସାମିମଙ୍କୁ ଯୋଗାଯୋଗ କରି ସହାୟତା ଲୋଡିଥିଲେ ।
ତେବେ 2 ଯୁବନେତା ରାଜ୍ୟ ସରକାରଙ୍କୁ ଏବିଷୟରେ ଅବଗତ କରାଇବାରୁ ଯୋଗାଯୋଗର କେଇଘଣ୍ଟା ପରେ ମହାରାଷ୍ଟ୍ର ପ୍ରଶାସନ ସେମାନଙ୍କୁ ସହାୟତା ପୂର୍ବକ 3ମାସର ଦରମା ଓ 3ମାସର ଘରଭଡା ଛାଡ କରିଥିବାରୁ ଭିଡିଓ ବାର୍ତ୍ତାରେ ରାଜ୍ୟ ସରକାର ଓ 2 ଯୁବନେତା ଦେବାଶିଷ ମାରାଣ୍ଡି ଏବଂ ସେକ୍ ସାମିମଙ୍କୁ ଧନ୍ୟବାଦ ଜଣାଇଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
