ରାଇରଙ୍ଗପୁର: ଦୁଇ ବାଇକ ମୁହାଁମୁହିଁ ଧକ୍କା , ଜଣେ ମୃତ ଓ ଦୁଇ ଆହତ। ଘଟଣାସ୍ଥଳରେ ଅଗ୍ନୀଶମ ବିଭାଗ ତିନି ଜଣଙ୍କୁ ଉଦ୍ଧାର କରି ରାଇରଙ୍ଗପୁର ମେଡିକାଲରେ ଭର୍ତ୍ତି କରିଥିଲେ । ଡାକ୍ତର ସେଠାରେ ଜଣକୁ ମୃତ ଘୋଷଣା କରିଥିଲେ ।
ଦୁଇ ବାଇକ ମୁହାଁମୁହିଁ ଧକ୍କା, ଜଣେ ମୃତ ଓ ଦୁଇ ଆହତ
ସୂଚନା ଅନୁଯାୟୀ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ନିରଞ୍ଜନ ଗ୍ରାମ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା । ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇ ଜଣ ଆହତ ହୋଇଛନ୍ତି। ମୃତ୍ୟୁ ବରଣ କରିଥିବା ଯୁବକ ଜଣକ ଗୋରୁମହିଷାଣି ଥାନା ଭେଲୁଡ଼ିହି ଗ୍ରାମର ଆବଦୁଲ ନାସିମ । ସେ ଯୋଡ଼ା ଟିସ୍କୋ କମ୍ପାନୀରେ ଡ୍ୟୁଟିରେ ଯୋଗଦେବାକୁ ଯାଉଥିବା ବେଳେ ବାଇକ ସହ ମୁହାଁ ମୁହିଁ ଧକ୍କା ହୋଇଥିଲା । ତେବେ ନାସିମ କିଛି ଦିନ ଆଗରୁ ଛୁଟିରେ ଘରକୁ ଆସିଥିଲେ । ଅନ୍ୟ ଦୁଇ ଜଣ ଯୁବକଙ୍କ ମେଡିକାଲରେ ଭର୍ତ୍ତି କରାଯାଇଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା,ଇଟିଭି ଭାରତ
