ବାରିପଦା: ମୟୂରଭଞ୍ଜ ଜିଲ୍ଲାରେ ଥମିବାରେ ନାମ ନେଉ ନାହିଁ ଲୁଟ୍ ଘଟଣା । ଦିନକୁ ଦିନ ବନ୍ଧୁକ ଓ ଛୁରୀ ଲଗାଇ ଜୀବନରୁ ମାରିଦେବାର ଭୟ ଦେଖାଇ ଦିନ ଦିପ୍ରହରରେ ଲକ୍ଷାଧିକ ଟଙ୍କାର ଲୁଟ କରୁଛନ୍ତି ଦୁର୍ବୃତ୍ତ ।
ଆଜି(ଗୁରୁବାର) ମଧ୍ୟ ଅନୁରୂପ ଭାବେ ସ୍ପଷ୍ଟ ଦିବାଲୋକରେ ବାରିପଦା ସଦର ଥାନା ଅନ୍ତର୍ଗତ ବାଉରା ପ୍ରାଥମିକ ବିଦ୍ୟାଳୟରେ ଦୁଇ ଜଣ ଦୁର୍ବୃତ୍ତ ପଶି ବନ୍ଧୁକ ଓ ଛୁରୀ ଦେଖାଇ ଦୁଇ ଶିକ୍ଷୟତ୍ରୀଙ୍କ ଠାରୁ ଲୁଟିଛନ୍ତି ।
ଏହାମଧ୍ୟ ପଢନ୍ତୁ: Mayurbhanj Bandh; ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ଆନ୍ଦୋଳନକାରୀଙ୍କୁ ଉଠାଇ ନେଲା ପୋଲିସ
ସେମାନଙ୍କ ନିକଟରୁ ଦୁଇଟି ସୁନାର ମଙ୍ଗଳ ସୂତ୍ର, ଦୁଇଟି କାନଫୁଲ, ହଳେ ପଲାକୁ ମିଶାଇ ପ୍ରାୟ ଲକ୍ଷାଧିକ ଟଙ୍କାର ଗହଣା (jewellery) ଲୁଟ୍ କରିଛନ୍ତି । ଏନେଇ ଦୁଇ ଶିକ୍ଷୟତ୍ରୀ ନମିତା ମହାନ୍ତ ଓ ସ୍ବର୍ଣ୍ଣଲତା ସରେନ ବାରିପଦା ସଦର ଥାନାରେ ଲିଖିତ ଅଭିଯୋଗ କରିଛନ୍ତି । ସଦର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
