ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ବିଶୋଇ ଥାନା ମଣଦା ଫାଣ୍ଡି ଅନ୍ତର୍ଗତ ବଡନାଳୁଆ ଗାଁରେ ଆଘଟଣ । ଜଣେ ଆଦିବାସୀ ଯୁବକଙ୍କ ବିଦ୍ୟୁତ ଆଘାତରେ ଶୋଚନୀୟ ମୃତ୍ୟୁ ହୋଇଛି। ମୃତକ ଜଣକ ବଡନାଳୁଆ ଗାଁର ସ୍ବର୍ଗତ ଟୁନିଆ ନାଏକଙ୍କ ପୁଅ ବାଦଲ ନାଏକ ବୋଲି ଜଣା ପଡିଛି ।
ବିଦ୍ୟୁତ ଆଘାତରେ ବଡନାଳୁଆ ଗାଁର ଆଦିବାସୀ ଯୁବକଙ୍କ ମୃତ୍ୟୁ
ପରିବାର ଲୋକଙ୍କ କହିବା ଅନୁଯାୟୀ ଘରେ ବିଦ୍ୟୁତ ନଥିବାରୁ ବିଦ୍ୟୁତ୍ ଖୁଣ୍ଟରୁ ତାର କଟିଛି ଭାବି ଖୁଣ୍ଟ ଉପରେ ଚଢ଼ିଥିବା ବେଳେ ବାଦଲ ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ଏନେଇ ସ୍ଥାନୀୟ ଲୋକେ ପୋଲିସ ଓ ବିଦ୍ୟୁତ ବିଭାଗକୁ ଖବର ଦେଇଥିଲେ । ଖବର ପାଇ ବିଶୋଇ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିବା ସହିତ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନା ପଠାଇଥିବା ଜଣାପଡିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
