ବାରିପଦା: ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ରେଞ୍ଜ ଖୁରୁଣ୍ଟିଆ ଗାଁର ଚାଷ ଜମିରୁ ଉଦ୍ଧାର ହୋଇଥିବା ହାତୀ ଛୁଆର ମୃତ୍ୟୁ । ସୂଚନାନୁଯାୟୀ, ରବିବାର ଖୁରୁଣ୍ଟିଆ ଗାଁ ନିକଟ ଚାଷଜମିରୁ ଏକ ହାତୀ ଛୁଆକୁ ଅସୁସ୍ଥ ଅବସ୍ଥାରେ ବନ ବିଭାଗ ଉଦ୍ଧାର କରିଥିଲା ।
ଉଦ୍ଧାର ଅସୁସ୍ଥ ହାତୀ ଛୁଆର ଚିକିତ୍ସାଧୀନ ଅବସ୍ଥାରେ ମୃତ୍ୟୁ
ହାତୀ ଛୁଆକୁ ଉଦ୍ଧାର ପରେ ବନବିଭାଗ ରାସଗୋବିନ୍ଦପୁର ରେଞ୍ଜ ବଳଦିଆ ନର୍ସରୀରେ ରଖି ଚିକିତ୍ସା ଆରମ୍ଭ କରିଥିଲେ। ଚିକିତ୍ସାଧୀନ ଅବସ୍ଥାରେ ହାତୀ ଛୁଆର ମୃତ୍ୟୁ ହୋଇଥିବା ଜଣାପଡିଛି । ଅନ୍ୟପକ୍ଷରେ ହାତୀଛୁଆର ମୃତ୍ୟୁର କାରଣ ଜଣାପଡିନଥିବା ବେଳେ ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣାପଡିବ ବୋଲି ବନବିଭାଗ କହିଛି ।
ମୃତହାତୀ ଛୁଆର ଆନୁମାନିକ ବୟସ ଏକ ବର୍ଷ ହେବ ବୋଲି ଜଣାପଡିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
