ବାରିପଦା: 23 ଦଫା ଦାବି ନେଇ ମୟୂରଭଞ୍ଜ ଜିଲ୍ଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟ ଘେରାଉ । ସୋମବାର ରାଜ୍ୟବ୍ୟାପୀ ବିଭିନ୍ନ ଶ୍ରମିକ ସଂଗଠନ ପକ୍ଷରୁ 23 ଦଫା ଦାବି ନେଇ ଜିଲ୍ଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟ ଘେରାଉ ସହ ଏକ ଦାବିପତ୍ର ପ୍ରଦାନ କରାଯାଇଛି।
ଆଠଟି ଗୁରୁତ୍ବପୂର୍ଣ୍ଣ କ୍ଷେତ୍ର କୋଇଲା, ଅଶୋଧିତ ତୈଳ, ତୈଳ ବିଶୋଧନାଗାରର ଉତ୍ପାଦିତ ସାମଗ୍ରୀ, ପ୍ରାକୃତିକ ଗ୍ୟାସ, ସାର, ସିମେଣ୍ଟ, ଓ ବିଦ୍ୟୁତ କ୍ଷେତ୍ରରେ ମାନ୍ଦାବସ୍ଥା ଓ ଅଭିବୃଦ୍ଧି ହାର 2 ପ୍ରତିଶତ ମାତ୍ରାକୁ ନେଇ ଏହି ବିକ୍ଷୋଭ କରାଯାଇଛି।
ତେବେ ମୟୂରଭଞ୍ଜ ଭଳି ଏତେ ବଡ ଜିଲ୍ଲାରେ ଗୋଟିଏ ଶ୍ରମ ଅଫିସ ଥିବାରୁ ଶ୍ରମିକମାନଙ୍କ ପଞ୍ଜିକରଣ ଓ ଅନ୍ୟାନ୍ୟ କାର୍ଯ୍ୟ ପାଇଁ ଜିଲ୍ଲାର ସବଡିଭିଜନସ୍ତରୀୟ ଶ୍ରମ ଅଫିସ ଖୋଲିବାକୁ ଏହି ବିକ୍ଷୋଭ ଦାବି କରିଛି ସଂଗଠନ। ଏଥିସହ ରାଜ୍ୟ ସରକାର ଓ କେନ୍ଦ୍ର ସରକାର ଶ୍ରମିକଙ୍କୁ ସମସ୍ତ ସୁବିଧା ସୁଯୋଗ ଯୋଗାଇଦେବାକୁ ଦାବି କରିଛି ସଂଗଠନ।
ଜିଲ୍ଲାରେ ଥିବା ଓଡିଶା କନଷ୍ଟ୍ରକ୍ସନ, ୱାର୍କସ ୟୁନିୟନ, ସିଆଇଟିୟୁ , ଏସୟୁସିଆଇ ପକ୍ଷରୁ ଶତାଧିକ ଶ୍ରମିକ ବିଭିନ୍ନ ଏହି ବିକ୍ଷୋଭରେ ସାମିଲ ହୋଇଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
