ରାଇରଙ୍ଗପୁର: ଷ୍ଟାଣ୍ଡିଂ କମିଟିର ରାଇରଙ୍ଗପୁର ଡାକ୍ତରଖାନା ପରିଦର୍ଶନ। ବିଧାନସଭା ଷ୍ଟାଣ୍ଡିଂ କମିଟି ମୟୂରଭଞ୍ଜ ଜିଲ୍ଲା ଗସ୍ତରେ ଆସି ରାଇରଙ୍ଗପୁର ଡାକ୍ତରଖାନା ପରିଦର୍ଶନ କରିଥିଲେ I
ବିଧାନସଭା ଷ୍ଟାଣ୍ଡିଂ କମିଟି ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟ ପରିଦର୍ଶନ କରି ରୋଗୀଙ୍କ ସହ ଆଲୋଚନା କରିଥିଲେ I ଅଶ୍ଵନୀ କୁମାର ପାତ୍ରଙ୍କ ଅଧ୍ୟକ୍ଷତାରେ ଗଠିତ ଏହି କମିଟିରେ ବିଧାୟକ ରାଜକିଶୋର ଦାସ , ବିଧାୟିକା କୁସୁମ ଟେଟେ, ବିଧାୟିକା ବାସନ୍ତୀ ମାରାଣ୍ଡି ପ୍ରମୁଖ ଅଛନ୍ତି ।
ଏହି ଟିମ୍ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟ ପରିଦର୍ଶନ କରି ଡାକ୍ତର ଓ ବେଡ ଅଭାବ ନେଇ ଉଦବେଗ ପ୍ରକାଶ କରିଥିବା ବେଳେ ସ୍ବଚ୍ଛତା ଦେଖି ଖୁସି ପ୍ରକାଶ କରିଥିଲେ I ତେବେ ଜିଲ୍ଲା ମେଡିକାଲ ପରିଦର୍ଶନ କାର୍ଯକ୍ରମ ଶେଷ ହେବା ପରେ ବିଧାନସଭାରେ ପରିଦର୍ଶନ ରିପୋର୍ଟ ଉପସ୍ଥାପନ କରିବେ ବୋଲି ଅଧ୍ୟକ୍ଷ ଅଶ୍ଵନୀ ପାତ୍ର କହିଛନ୍ତି ।
ବୁଧବାର ବିଧାନସଭାର ଏହି ଷ୍ଟାଣ୍ଡିଙ୍ଗ କମିଟି ବାଲେଶ୍ଵର ଗସ୍ତ ସାରି ବାରିପଦାରେ ରାତ୍ରିଯାପନ କରିଥିଲେ । ଗୁରୁବାର ଏହି କମିଟି ବାରିପଦାସ୍ଥିତ ବୃଦ୍ଧା ଆଶ୍ରମ ପରିଦର୍ଶନ କରିଥିଲେ ପରେ ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜ ପହଞ୍ଚିଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି ଓ ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
