ବାରିପଦା: ଶିମିଳିପାଳ ଅଭୟାରଣ୍ୟରୁ ଶିକାର ପାଇଁ ଯାଇଥିବା ୬ ଜଣ ଶିକାରୀକୁ ଗିରଫ କଲା ଡୁକୁରା ବନ ବିଭାଗ। ଏହା ସହ ୪ ଟି ଦେଶୀ ବନ୍ଧୁକ, ବିସ୍ଫୋରକ ସହ ଶିକାର ପାଇଁ ବ୍ୟବହୃତ ବିଭିନ୍ନ ସାମଗ୍ରୀ ଜବତ କରିଛି ବନ ବିଭାଗ। ଡୁକୁରା ରେଞ୍ଜ ପକ୍ଷରୁ ମଙ୍ଗଳବାର ଦିନ ପାଟ୍ରୋଲିଂ ଜାରି ରହିଥିବା ବେଳେ ଅଭୟାରଣ୍ୟର କୁଆଝର ନିକଟକୁ ଶିକାର ପାଇଁ ଯାଉଥିବା ୬ ଜଣ ଶିକାରୀଙ୍କୁ ବନକର୍ମଚାରୀ ଅଭୟାରଣ୍ୟର ଚାରିଛକ ଠାରେ ଗିରଫ କରିଥିଲେ ।
ଶିମିଳିପାଳରୁ ୪ ଦେଶୀ ବନ୍ଧୁକ, ବିସ୍ଫୋରକ ଜବତ ସହ ୬ ଶିକାରୀ ଗିରଫ
ସେମାନଙ୍କ ନିକଟରୁ ୪ ଗୋଟି ଦେଶୀ ବନ୍ଧୁକ , ୧୦୦ ଗ୍ରାମ ବିସ୍ଫୋରକ ସହିତ ଶିକାରରେ ବ୍ୟବହୃତ ବିଭିନ୍ନ ସାମଗ୍ରୀଗୁଡ଼ିକୁ ଜବତ କରିଥିଲେ । ଗିରଫ ୬ ଅଭିଯୁକ୍ତ ଉଦଳା ଥାନା ଅଧିନସ୍ଥ କାଶିକୁଣ୍ଡଳା ଗ୍ରାମର ବୋଲି ଜଣାପଡ଼ିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
