ରାଇରଙ୍ଗପୁର: ମୟୂରଭଞ୍ଜର ଅନେକ ପର୍ଯ୍ୟଟନସ୍ଥଳୀ ମଧ୍ୟରୁ ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର ଭାବେ ଖ୍ୟାତି ଅର୍ଜନ କରିଥିବା ଶିମିଳିପାଳକୁ ୨ ଦିନ ବନ୍ଦ କରିଛି ବନଭିଭାଗ । ପ୍ରବଳ କୁହୁଡି ଏବଂ ବର୍ଷାକୁ ଦୃଷ୍ଟିରେ ରଖି ଶିମିଳିପାଳ କର୍ତ୍ତୃପକ୍ଷ ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି ।
ପର୍ଯ୍ୟଟକଙ୍କ ପାଇଁ ୨ ଦିନ ଶିମିଳିପାଳ ବନ୍ଦପର୍ଯ୍ୟଟକଙ୍କ ପାଇଁ ୨ ଦିନ ଶିମିଳିପାଳ ବନ୍ଦ
ଶିମିଳିପାଳକୁ କେବଳ ଦିନରେ ଆସୁଥିବା ପର୍ଯ୍ୟଟକ ପାଇଁ ଏହି ବାରଣ ରହିଛି । କିନ୍ତୁ ରାତ୍ରି ରହଣୀ ପାଇଁ ଆସୁଥିବା ପର୍ଯ୍ୟଟକ ପାଇଁ ଶିମିଳିପାଳ ପ୍ରବେଶ ଉପରେ ଅନୁମତି ମିଳିଛି। ଡିସେମ୍ବର ୩୧ ତାରିଖ ଅର୍ଥାତ୍ ଆଜି(ଶୁକ୍ରବାର) ଏବଂ ଆସନ୍ତାକାଲି ଜାନୁଆରୀ ୧ ତାରିଖକୁ ପର୍ଯ୍ୟଟକମାନଙ୍କୁ ବାରଣ କରାଯାଇଛି ।
ତେବେ ଗୁରୁବାର ଏବଂ ଆଜି ଜିଲ୍ଲାରେ କିଛି ମାତ୍ରାରେ ବର୍ଷା ହୋଇଥିବା ଯୋଗୁଁ ଅଭୟାରଣ୍ୟକୁ ପର୍ଯ୍ୟଟକଙ୍କ ସୁରକ୍ଷା ଦୃଷ୍ଟିରୁ ବନ୍ଦ କରାଯାଇଛି । ଏ ସମ୍ପର୍କରେ ଉତ୍ତର ଶିମିଳିପାଳର ଡେପୁଟି ନିର୍ଦ୍ଦେଶକ ସାଇ କିରଣ ଡି ଏନ ସୂଚନା ଦେଇଛନ୍ତି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ
