ରାଇରଙ୍ଗପୁର: ଜିଲ୍ଲାର ଜନବସତି କରଞ୍ଜିଆ ବନଖଣ୍ଡ ଦୁଧିଆଣି ରେଞ୍ଜ ଅନ୍ତର୍ଗତ ରାଣିପାଟ ଗ୍ରାମରୁ ଏକ ବିରାଟ ସମ୍ବର ଉଦ୍ଧାର ହୋଇଛି । ଉଦ୍ଧାର ବେଳେ ହୃତଘାତରେ ତାର ମୃତ୍ୟୁ ହୋଇଛି ।
ସମ୍ବରର ହୃଦଘାତଜନିତ ମୃତ୍ୟୁ
ଗତକାଲି ସଂନ୍ଧ୍ୟାରେ ଗାଁ ଭିତରକୁ ଏକ ବାରାଟ ସମ୍ବର ପଶୁଥିବାର ଲୋକେ ଦେଖିବାକୁ ପାଇଥିଲେ । ଏ ନେଇ ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗ ସମ୍ବରଟିକୁ ଜଙ୍ଗଲକୁ ଘଉଡ଼ାଇବା ସମୟରେ ସମ୍ବରଟି ରାଣିପାଟ ଗାଁର ଜନୈକ ବ୍ୟକ୍ତିଙ୍କ ଘରେ ପଶି ଯାଇଥିଲା । କିଛି ସମୟ ପରେ ଗାଁ ଲୋକ ଓ ବନବିଭାଗ ମିଶି ସମ୍ବରଟିକୁ ଉଦ୍ଧାର କରୁଥିବା ବେଳେ ହୃଦଘାତରେ ସମ୍ବରଟିର ମୃତ୍ୟୁ ହୋଇ ଯାଇଥିବା ବନବିଭାଗ ପକ୍ଷରୁ ଅନୁମାନ କରାଯାଉଛି। ସେପଟେ ଘଟଣାସ୍ଥଳରୁ ମୃତ ସମ୍ବରଟିକୁ ବନବିଭାଗ ଉଦ୍ଧାର କରି ବ୍ୟବଚ୍ଛେଦ ପାଇଁ କରଞ୍ଜିଆ ପଶୁ ଡାକ୍ତରଖାନାକୁ ପଠାଇଥିଲା ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
