ରାଇରଙ୍ଗପୁର: ଚର୍ଚ୍ଚିତ ପିଥ ମୁର୍ମୁ ହତ୍ୟା ଘଟଣାରେ 5 ଅଭିଯୁକ୍ତ ଗିରଫ । ଗିରଫ ଅଭିଯୁକ୍ତ ହେଲେ ଦେଉଳି ଗାଁର ମହିଳା ମାନକୋ ମାରାଣ୍ଡି(୩୬),ବନ୍ତଳି ଗାଁର ଚାନ୍ଦୁ ମୁର୍ମୁ(୩୨), ଅସନା ଗାଁ ରାମଦାସ ମୁର୍ମୁ(୨୮), ଜଗନ୍ନାଥ ଲୋହାର(୨୯) ଓ ଏଦେଲବେଡା ଗାଁର ପାନ ମୁର୍ମୁ(୨୨)। ଅଭିଯୁକ୍ତଙ୍କ ନିକଟରୁ ହତ୍ୟାରେ ବ୍ୟବହୃତ ଲୁହାରୋଡ ଓ ଦୁଇଟି ବାଇକ, ୬ଟି ମୋବାଇଲ, ନଗଦ ୯୫୨୦ ଟଙ୍କା ଜବତ କରିଛି ପୋଲିସ । ଗିରଫ ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ ଗତ ୨୩ ତାରିଖରେ ମୟୁରଭଞ୍ଜ ଜିଲ୍ଲା ବହଳଦା ଥାନା ଏଦେଲବେଡା ଗାଁ ନିକଟରୁ ଜଣେ ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର କରାଯାଇଥିଲା । ଘଟଣାର ତଦନ୍ତ ପରେ ମୃତକ ଅସନବଣୀ ଗାଁର ପିଥ ମୁର୍ମୁ ବୋଲି ଜଣାପଡିଥିଲା । ଘଟଣାର ଛାନଭିନ ପରେ ଶେଷରେ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଛି ପୋଲିସ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
