ବାରିପଦା: ଦକ୍ଷିଣ ପୂର୍ବ ରେଲୱେ ଡିଭିଜନର ଜେନେରାଲ ମ୍ୟାନେଜରଙ୍କ ମୟୂରଭଞ୍ଜ ଗସ୍ତ । ଗସ୍ତରେ ଆସି ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା କରିଛନ୍ତି ।
ଦକ୍ଷିଣ ପୂର୍ବ ରେଲୱେ ଡିଭିଜନର ଜେନେରାଲ ମ୍ୟାନେଜର ସଞ୍ଜୟ ମହାନ୍ତି ଶୁକ୍ରବାର ମୟୂରଭଞ୍ଜ ଗସ୍ତରେ ଆସି ବାରିପଦା ବେତନଟୀ, ବାଙ୍ଗିରିପୋଷି ଷ୍ଟେସନ ପରିଦର୍ଶନ କରି ଫେରି ଯାଇଛନ୍ତି । ସେ ବାଙ୍ଗରିପୋଷି ଷ୍ଟେସନରେ ଏକ ସ୍ବତନ୍ତ୍ର ଟ୍ରେନରେ ପହଞ୍ଚି ଷ୍ଟେସନ ପରିସର ଓ ନୂତନ ନିର୍ମିତ କ୍ବାଟର୍ସ ବୁଲି ଦେଖିବା ସହିତ ବିଭିନ୍ନ ଉନ୍ନତି ମୂଳକ କାର୍ଯ୍ୟର ସମୀକ୍ଷା କରିଛନ୍ତି ।
ମୟୂରଭଞ୍ଜ ଗସ୍ତ କରି ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କଲେ ଜେନେରାଲ ମ୍ୟାନେଜର
ଗୋରୁମହିଷାଣି, ବାଙ୍ଗରିପୋଷୀ ଓ କୁଳିଅଣା ରେଲୱେ କ୍ରିୟାନୁଷ୍ଠାନ କମିଟିର ସଦସ୍ୟ ଜେନେରାଲ ମ୍ୟାନେଜରଙ୍କୁ ଭେଟି ବାଙ୍ଗରିପୋଷି ଷ୍ଟେସନର ଉନ୍ନତିକରଣ, ବାଙ୍ଗରିପୋଷି-ଗୋରୁମହିଷାଣି, ବୁଢାମାରା-ଚାକୁଳିଆ ରେଳ ସଂଯୋଗୀ କରଣ, ନୂତନ ଷ୍ଟେସନ ଗଠନ ଓ ଅନ୍ୟାନ୍ୟ ଦାବି ପାଇଁ ଦାବି ପତ୍ର ପ୍ରଦାନ କରିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
