ରାଇରଙ୍ଗପୁର: ଜିଲ୍ଲା ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ରାଇରଙ୍ଗପୁର ସହରର ମୁଖ୍ୟ ରାସ୍ତା କଡରେ ଥିବା ମହାଲକ୍ଷ୍ମୀ ଷ୍ଟୋର ନାମକ ଏକ ତେଜରାତି ଦୋକାନରୁ ତାଲା ଭାଙ୍ଗି ଲୁଟ ଅଭିଯୋଗ । ବିଳମ୍ବିତ ରାତିରେ ଦୋକାନର ୩ଟି ତାଲା ଭାଙ୍ଗି ଲୁଟ ହୋଇଥିବା ନେଇ ସକାଳୁ ଦୋକାନୀ ଜାଣିପାରି ପୋଲିସକୁ ଖବର ଦେଇଥିଲେ ।
ବିଳମ୍ବିତ ରାତିରେ ଦୋକାନ ତାଲା ଭାଙ୍ଗି ଲୁଟ: ପୋଲିସ ଓ ସାଇଣ୍ଟିଫିକ ଟିମର ତଦନ୍ତ ଜାରି
ଖବର ପାଇ ରାଇରଙ୍ଗପୁର ଟାଉନ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଛାନଭିନ ଆରମ୍ଭ କରିବା ସହିତ ଅଧିକ ତଦନ୍ତ ପାଇଁ ବାରିପଦାରୁ ସାଇଣ୍ଟିଫିକ ଟିମକୁ ଡକାଇଥିଲେ । ସାଇଣ୍ଟିଫିକ ଟିମ୍ ପହଞ୍ଚି ଅଧିକ ତଦନ୍ତ ଜାରି ରଖିଛି। ତେବେ ପ୍ରାଥମିକ ତଦନ୍ତରୁ ୪୫ ହଜାର ଟଙ୍କା ଲୂଟ ହୋଇଥିବା ଜଣା ପଡିଛି । ସେପଟେ ସହରରେ ଚୋରି, ଲୁଟ ଆଦି ଘଟଣା ବୃଦ୍ଧି ପାଉଥିବା ବେଳେ କୌଣସି ଦୁର୍ବୃତ୍ତ ବା ଲୁଟେରା ଧରା ନ ପଡ଼ିବା ପୋଲିସର କାର୍ଯ୍ୟଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
