ରାଇରଙ୍ଗପୁର: ଚେକିଂ ବେଳେ କରଞ୍ଜିଆ ପୋଲିସର ଦାଦାଗିରି ଦେଖିବାକୁ ମିଳିଛି । ପୋଲିସର ଲାଠି ମାଡ଼ରେ ଯୁବ ବ୍ୟବସାୟୀ ମୁଣ୍ଡ ଫାଟିଥିବା ଜଣାପଡିଛି । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ସାହାରପୋଡା ବାଇପାସ ଛକ ନିକଟରେ ।
ସୂଚନା ଅନୁସାରେ ଆଜି ସନ୍ଧ୍ୟା ୭ ଘଟିକା ସମୟରେ କରଞ୍ଜିଆ ଥାନା ପୋଲିସର ହେଲମେଟ ଓ ମାସ୍କ ଚେକିଂ ବେଳେ ଜଣେ ଯୁବ ବ୍ୟବସାୟୀ ନିଜ ଘରକୁ ଯାଉଥିବା ବେଳେ ପୋଲିସର ଲାଠି ମାଡର ଶିକାର ହୋଇଥିଲେ । ଫଳରେ ଯୁବକଙ୍କ ମୁଣ୍ଡ ଫାଟି ଯାଇଥିବା ଦେଖିବାକୁ ମିଳିଛି । ତାଙ୍କୁ ଚିକିତ୍ସା ପାଇଁ କରଞ୍ଜିଆ ଡ଼ାକ୍ତରଖାନାକୁ ଅଣାଯାଇଥିଲା। ତେବେ ଗତକାଲି ଶରତ ଥାନା ଅଞ୍ଚଳ ଘଟଣା ମନରୁ ନ ଲିଭୁଣୁ ପୁଣି ଥରେ ମୟୂରଭଞ୍ଜ ପୋଲିସର ଦାଦାଗିରି ସାମ୍ନାକୁ ଆସିଛି ।
ତେବେ ପୋଲିସର ଚେକିଂ ଆଳରେ ଏପରି ପ୍ରତ୍ୟେକ ଦିନ ଛୋଟବଡ଼ ଘଟଣାରେ ଲୋକେ ଅତିଷ୍ଠ ହୋଇଗଲେଣି । ଆଜିର ଉକ୍ତ ଘଟଣା ପରେ ଆଜି ସାହାରପୋଡା ଛକ ନିକଟରେ ପୋଲିସର ଏପରି କାର୍ଯ୍ୟକୁ ଲୋକେ ବିରୋଧ କରି ପୋଲିସ ବିରୁଦ୍ଧରେ ନାରାବାଜି କରିବା ସହିତ ଚେକିଂ କରୁଥିବା ପୋଲିସ ଅଧିକାରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଉତ୍ୟକ୍ତ ଲୋକେ ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
