ମୟୁରଭଞ୍ଜ: ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ଅଞ୍ଚଳରେ ବହୁ ଚର୍ଚିତ ମହିଳା ଦୁଷ୍କର୍ମ ଅଭିଯୋଗ ଘଟଣାର ଅଭିଯୁକ୍ତ ଗିରଫ ହୋଇଛନ୍ତି । ଏହି ଘଟଣାରେ ସଂପୃକ୍ତ ଅଭିଯୁକ୍ତ ପୂର୍ବରୁ ବଦଳି ହୋଇଥିବା ବେଳେ ଆଜି ଗିରଫ ହୋଇଛନ୍ତି ଅଭିଯୁକ୍ତ ଏଏସଆଇ ଶୁଭେନ୍ଦୁ ବେହେରା । ଗତ ମେ ୧୩ ତାରିଖ ବିଳମ୍ବିତ ରାତ୍ରିରେ କପ୍ତିପଦା ଥାନା ଅଞ୍ଚଳରେ ଜଣେ ମହିଳାଙ୍କ ଘରେ ପଶି ଦୁଷ୍କର୍ମ କରୁଥିବା କପ୍ତିପଦା ଥାନାରେ ଅଭିଯୋଗ କରିଥିଲେ ଅଭିଯୋଗକାରୀଣି । ହେଲେ କପ୍ତିପଦା ଥାନା ଅଧିକାରୀ ଏକତରଫା ତଦନ୍ତ କରି ଅଭିଯୋଗକାରୀଣି ପରିବାରକୁ ଗିରଫ କରି ଜେଲ ପଠାଇଥିଲେ ।
ବିନା ଦୋଷରେ ଦୀର୍ଘ ୩ମାସ କାଳ ଜେଲ ଯିବାପରେ ନ୍ୟାୟ ପାଇଁ ସେପ୍ଟେମ୍ବର ୧୬ ତାରିଖରେ ସମ୍ପୃକ୍ତ ପୀଡିତା ସହ ପରିବାର ଲୋକେ ନବୀନ ନିବାସ ସମ୍ମୁଖରେ ଆତ୍ମହୁତି ଦେବାକୁ ଉଦ୍ୟମ କରିଥିଲେ । ତେବେ ଘଟଣାର ଖୁବ ଶୀଘ୍ର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବା ନେଇ ମୁଖ୍ୟମନ୍ତ୍ରୀଙ୍କ ଅଫିସରୁ ପ୍ରତିଶୃତି ମିଳିବାପରେ ପରିବାର ଲୋକ ଘରକୁ ଫେରିଥିଲେ । ଏହି ଘଟଣାର ତଦନ୍ତ କରାଯାଇ ଏସପିଙ୍କ ନିର୍ଦେଶରେ ଏଏସଆଇ ଶୁଭେନ୍ଦୁ ବେହେରାଙ୍କୁ ଗିରଫ କରାଯାଇଛି । ଗିରଫ ଏଏସଆଇ ଶୁଭେନ୍ଦୁ ବେହେରା ପୂର୍ବରୁ ଏସପିଙ୍କ ଦ୍ଵାରା ନିଲମ୍ବିତ ହୋଇଥିଲେ ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
