ବାରିପଦା: ପୁଣି ସକ୍ରିୟ ହୋଇଛି ବଜ୍ରକାପ୍ତାର ଚୋରା କାରବାର । ବଜ୍ରକାପ୍ତା କାତି ବିକ୍ରି ନିମନ୍ତେ ମୂଲଚାଲ ହେଉଥିବା ବେଳେ ବନବିଭାଗ ଚଢାଉ କରି ୬ ବଜ୍ରକାପ୍ତା ବେପାରୀଙ୍କୁ ଗିରଫ କରିଛି । ଏଭଳି ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଉଦଳା ବନାଞ୍ଚଳରେ ।
ମୟୂରଭଞ୍ଜ ଜିଲ୍ଲା ଉଦଳା ବନାଞ୍ଚଳ ଅଧିନ ବୃନ୍ଦାଗଡି ଏବଂ ବାଲିଛତ୍ରା ଅଞ୍ଚଳରେ ଗତକାଲି ବିଳମ୍ବିତ ରାତିରେ ବଜ୍ରକାପ୍ତା କାତି ବେପାର ପାଇଁ ଡିଲ୍ ହେଉଥିଲା । ବନବିଭାଗ କର୍ମଚାରୀ ଗ୍ରାହକ ସାଜି ଏହି ଡିଲ୍ କରୁଥିଲେ । ତିନୋଟି କାତି ୭ ଲକ୍ଷ ଟଙ୍କାରେ ଡିଲ୍ ହେବାବେଳେ ବନବିଭାଗ ୬ ଜଣ ବଜ୍ରକାପ୍ତା ବେପାରୀଙ୍କୁ ଗିରଫ କରିଛି । ଗିରଫ ବଜ୍ରକାପ୍ତା କାତି ବେପାରୀମାନେ ହେଲେ ନିଶିକାନ୍ତ ଜେନା, ସୁଦାମ ଖଣ୍ଡେଇ, ସୁକୁଲ ଟୁଡୁ, ଗୁରୁ ଚରଣ ବିନ୍ଧାଣୀ, ରବି ପାତ୍ର, ପ୍ରଶାନ୍ତ କୁମାର ମିଶ୍ର । ଏହା ସହିତ ବେପାରୀଙ୍କ ନିକଟରୁ ଦୁଇଟି ବାଇକ୍ ସହିତ ୩ଟି ବଜ୍ରକାପ୍ତା କାତି ଜବତ କରିଛି ବନବିଭାଗ । ପୂର୍ବରୁ ବଜ୍ରକାପ୍ତା ଚୋରା ଚାଲାଣରେ ଉଦଳା ଅଞ୍ଚଳର ତିନି ଜଣ ଗିରଫ ହୋଇଥିଲେ । ତେବେ ଏ ସଂପର୍କରେ ବନବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
