ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଠାକୁରମୁଣ୍ଡା - କରଞ୍ଜିଆ 53ନମ୍ବର ଜାତୀୟ ରାଜପଥ ଚାଇଁବାଇସି ନିକଟରେ ଗୋଟିଏ ଅଜଣା ଗାଡି ଧକ୍କାରେ ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତକ ଜଣକ ଜୁଆଳିକଟା ଗ୍ରାମର ମୁକୁନ୍ଦରଞ୍ଜନ ତିୟୁ ବୋଲି ଜଣାପଡିଛି ।
ଅଜଣା ଗାଡି ଧକ୍କାରେ ଯୁବକ ମୃତ
ସୂଚନାଅନୁସାରେ, ମୁକୁନ୍ଦ ନିଜ ବାଇକ ଯୋଗେ ମେଡ଼ିକାଲ କାମରେ କରଞ୍ଜିଆ ଯାଉଥିବା ସମୟରେ ତାଙ୍କୁ ଗୋଟିଏ ଗାଡି ଧକ୍କା ଦେଇଥିଲା । ଗାଡି ଧକ୍କାରେ ତାଙ୍କର ମୁଣ୍ଡ ସମ୍ପୂର୍ଣ୍ଣ ଫାଟିଯାଇ ଥିବା ବେଳେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି ।
ଖବର ପାଇ ଠାକୁରମୁଣ୍ଡା ଥାନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ମୃତ ମୁକୁନ୍ଦ କୃଷି ବିଭାଗରେ ଆସିଷ୍ଟାଣ୍ଟ ଇଞ୍ଜିନିୟର ଭାବରେ କନ୍ଧମାଳ ଜିଲ୍ଲା ରାଇକିଆ ବ୍ଲକରେ କାର୍ଯ୍ୟ କରୁଥିବାର ଜଣାପଡିଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
