ରାଇରଙ୍ଗପୁର: ଲକଡାଉନବେଳେ ଘଟିଛି ଲଜ୍ଜାକର ଘଟଣା । ଦିବ୍ୟାଙ୍ଗ ଯୁବତୀଙ୍କୁ ଦୁଷ୍କର୍ମ ଅଭିଯୋଗରେ ଜଣେ ବ୍ୟକ୍ତି ଗିରଫ । ଗୋରୁମହିଷାଣୀ ପୋଲିସ ନେଇଛି କାର୍ଯ୍ୟାନୁଷ୍ଠାନ ।
ଲକଡାଉନରେ ଲଜ୍ଜାକର ଘଟଣା: ଦିବ୍ୟାଙ୍ଗଙ୍କୁ ଦୁଷ୍କର୍ମ, ଜଣେ ଗିରଫ
ମୟୂରଭଞ୍ଜ ଗୋରୁମହିଷାଣୀ ଥାନା ଅଞ୍ଚଳରେ ଘଟିଛି ଏପରି ଅଭାବନୀୟ ଘଟଣା । ସୂଚନା ଅନୁଯାୟୀ ଦିବ୍ୟାଙ୍ଗ ଯୁବତୀ ଜଣକ ନିଜ ଭଉଣୀ ଓ ଭିଣୋଇ ଘରକୁ ବୁଲିବାକୁ ଯାଇଥିଲେ । ତେବେ ମଙ୍ଗଳବାର ଦିନ ପ୍ରାୟ ସାଢେ ୧୨ଟା ବେଳେ ଘରେ କେହି ନଥିଲେ । ଏହାର ସୁଯୋଗ ନେଇ ଯୁବତୀ ଜଣଙ୍କୁ ଏକୁଟିଆ ପାଇ ସାନବାଣ୍ଠା ଗ୍ରାମର ମାଠା ମାହାଲି ନାମକ ଜଣେ ବ୍ୟକ୍ତି ତାଙ୍କୁ ପାଶବିକ ଅତ୍ୟାଚାର କରିଥିଲେ । ଏନେଇ ଯୁବତୀଙ୍କ ଭିଣୋଇ ଗୋରୁମହିଷାଣୀ ଥାନାରେ ଲିଖିତ ଅଭିଯୋଗ କରିଥିଲେ । ପରେ ଗୋରୁମହିଷାଣୀ ପୋଲିସ ମାଠା ମାହାଲିକୁ ଦୁଷ୍କର୍ମ ଅଭିଯୋଗରେ ଗିରଫ କରି ରାଇରଙ୍ଗପୁର କୋର୍ଟ ଚାଲାଣ କରିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
