ମୟୂରଭଞ୍ଜ: ଗୁରୁବାର ଠାରୁ 6 ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇଛନ୍ତି ଓଡିଶା ପୋଲିସ୍ କନେଷ୍ଟବଳ, ହାବିଲଦାର ଓ ସିପାହୀ ସଂଘ । ମୟୂରଭଞ୍ଜ ଜିଲ୍ଲାର ସଂଘ ବି ଆନ୍ଦୋଳନକୁ ସମର୍ଥନ ଜଣାଇ କଳାବ୍ୟାଚ ପରିଧାନ କରିଛି । ଏଥିରେ ହଜାର ହଜାର ସଂଖ୍ୟାରେ ପୋଲିସ କର୍ମଚାରୀମାନେ ଭାଗ ନେଇଛନ୍ତି ।
ଓଡ଼ିଶା ପୋଲିସ ସର୍ଭିସ ଆସୋସିଏସନ୍, ଓଡ଼ିଶା ପୋଲିସ ମହାସଂଘ, ଓଡ଼ିଶା ପୋଲିସ ହାବିଲଦାର କନେଷ୍ଟବଳ ମହାସଂଘ ପକ୍ଷରୁ କଳାବ୍ୟାଚ ପିନ୍ଧି ଆନ୍ଦୋଳନ କରିଛନ୍ତି । ଠିକା କର୍ମଚାରୀଙ୍କୁ ସ୍ଥାୟୀ, ଗ୍ରେଡ ପେରେ ସଂଶୋଧନ ସହ 6 ଦଫା ଦାବି ସଂଘର ସଦସ୍ୟମାନେ କଳାବ୍ୟାଚ ପିନ୍ଧି ପ୍ରତିବାଦ କରିଛନ୍ତି ।
ଆନ୍ଦୋଳନକାରୀ ସୁରକ୍ଷାକର୍ମୀମାନେ ସନ୍ଧ୍ୟା ସୁଦ୍ଧା ଅସ୍ତ୍ରଶସ୍ତ୍ର ତ୍ୟାଗ କରିବେ ବୋଲି ଚେତାବନୀ ମଧ୍ୟ ଦେଇଥିଲେ । ହଜାର ହଜାର ପୋଲିସ କର୍ମଚାରୀ ଏହି ଆନ୍ଦୋଳନରେ ସାମିଲ ହୋଇଛନ୍ତି । ପୋଲିସ ସଂଘ ୮ ତାରିଖରୁ କାର୍ଯ୍ୟବନ୍ଦ ଆନ୍ଦୋଳନ କରିବାକୁ ନିଷ୍ପତ୍ତି ନେଇଥିବାବେଳେ ଆଜି ଆନ୍ଦୋଳନରୁ ଓହରିଥିବା ସୂଚନା ମିଳିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
