ପାରିବାରିକ କଳହରୁ ସ୍ତ୍ରୀକୁ ପିଟିପିଟି ହତ୍ୟା

ବାରିପଦା ସଦର ଥାନା ଅଧୀନ ମାଧବପୁର ଗାଁରେ ଖେଲା ସରେନ ଘରୋଇ କଳିକୁ ନେଇ ନିଜ ସ୍ତ୍ରୀ ରାଣୀ ସରେନକୁ ଏକ ବାଉଁଶ ବାଡ଼ିରେ ପିଟିପିଟି ହତ୍ୟା କରିଛି ।

ମୟୂରଭଞ୍ଜ: ବାରିପଦା ସଦର ଥାନା ଅଧୀନ ମାଧବପୁର ଗାଁରେ ଖେଲା ସରେନ ଘରୋଇ କଳିକୁ ନେଇ ନିଜ ସ୍ତ୍ରୀ ରାଣୀ ସରେନକୁ ଏକ ବାଉଁଶ ବାଡ଼ିରେ ପିଟିପିଟି ହତ୍ୟା କରିଛି । ଗତକାଲି ବିଳମ୍ବିତ ରାତ୍ରିରେ ଏହି ଘଟଣା ଘଟିଛି ।

ସୂଚନା ଅନୁଯାୟୀ, ଉଭୟ ସ୍ଵାମୀ ଓ ସ୍ତ୍ରୀଙ୍କ ମଧ୍ୟରେ ଦୀର୍ଘଦିନ ଧରି ବଚସା ଲାଗି ରହିଥିଲା । ଗତକାଲି ସ୍ବାମୀ ମଦ୍ୟପାନ କରି ସ୍ତ୍ରୀକୁ ଠେଙ୍ଗାରେ ପିଟିଥିଲା । ଫଳରେ ଖେଲାଙ୍କର ମୁଣ୍ଡ, ପିଠି, ହାତ ଓ ଗୋଡ଼ରେ ଗଭୀର ଆଘାତ ଲାଗିଥିଲା । ପ୍ରଚୁର ରକ୍ତସ୍ରାବ ହେବାରୁ ଖେଲାଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା । ତେବେ ମୃତକ ରାଣୀର ଭାଇଙ୍କ ଅଭିଯୋଗ କ୍ରମେ ବାରିପଦା ସଦର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିବାବେଳେ ହତ୍ୟାକାରୀ ସ୍ବାମୀକୁ ଗିରଫ କରିଛି । ହତ୍ୟାକାରୀ ନିଜ ସ୍ତ୍ରୀକୁ ପିଟିପିଟି ହତ୍ୟା କରିଥିବା ସ୍ବୀକାର କରିଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ