ବାରିପଦା: ମାନବିକତା ଦେଖାଇଲେ ମୟୂରଭଞ୍ଜ ଜିଲ୍ଲା ମୋରଡ଼ା ବିଧାୟକ ରାଜକିଶୋର ଦାସ । ବାଇକ ଦୁର୍ଘଟଣାରେ ଗୁରୁତର ଯୁବକଙ୍କୁ ଉଦ୍ଧାର କରି ଉଚିତ୍ ସମୟରେ ଡାକ୍ତରଖାନାରେ ଭର୍ତ୍ତି କଲେ ।
ଦୁର୍ଘଟଣାଗ୍ରସ୍ତ ଯୁବକଙ୍କୁ ଡାକ୍ତରଖାନାରେ ଭର୍ତ୍ତି କଲେ ମୋରଡ଼ା ବିଧାୟକ
ସୂଚନା ଅନୁଯାୟୀ, ଆଜି(ମଙ୍ଗଳବାର) ମୋରଡ଼ା ବିଧାୟକ ରାଜକିଶୋର ଦାସ ବାରିପଦାରୁ ମୋରଡ଼ା ଆସୁ ଥିବାବେଳେ ବାଘୁଆଷୋଳ ନିକଟରେ ଦୁର୍ଘଟଣାରେ ଗୁରୁତର ହୋଇ ଜଣେ ଯୁବକ ରାସ୍ତାକଡରେ ପଡ଼ିଥିଲେ । ବିଧାୟକ ରାଜକିଶୋର ଦାସ ଏହା ଦେଖି ଗାଡ଼ିରୁ ଓହ୍ଲାଇ ଗୁରୁତର ଅବସ୍ଥାରେ ରାସ୍ତାରେ ପଡିଥିବା ଯୁବକଙ୍କୁ ନିଜ ଗାଡ଼ିରେ ଆଣି କିଷାନତାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।
ଦୁର୍ଘଟଣାରେ ଗୁରୁତର ହୋଇଥିବା ଯୁବକ ରାସଗୋବିନ୍ଦପୁର ବ୍ଲକ ରାଘବପୁର ଅଞ୍ଚଳର ପ୍ରଶାନ୍ତ କୁମାର ମହାନ୍ତ ବୋଲି ଜଣାପଡ଼ିଛି । ବିଧାୟକଙ୍କ ଏହି ମହତ କାର୍ଯ୍ୟକୁ ସବୁ ମହଲରୁ ପ୍ରସଂଶା କରାଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
