ବାରିପଦା: କଳାହାଣ୍ଡି-କନ୍ଧମାଳ ସୀମାନ୍ତ ସିର୍କି ଜଙ୍ଗଲରେ ବୁଧବାର ମାଓ ଅପରେସନ ସମୟରେ ଶହୀଦ ହୋଇଥିବା ଏସଓଜି ଯବାନ ସୁଧୀର କୁମାର ଟୁଡୁଙ୍କ ମରଶରୀର ଜନ୍ମମାଟିରେ ପହଞ୍ଚିଛି । ମୟୂରଭଞ୍ଜ ଜିଲ୍ଲା ଶୁଳିଆପଦା ବ୍ଲକ ସାନ ଭଦୁଆଷୋଳ ଗାଁରେ ଶହୀଦଙ୍କ ମରଶରୀର ପହଞ୍ଚିଛି ।
ଜନ୍ମମାଟିରେ ଶହୀଦ ସୁଧୀର କୁମାର ଟୁଡୁଙ୍କ ମରଶରୀର
ଶହୀଦଙ୍କ ମରଶରୀର ପହଞ୍ଚିବା ପରେ ଶୋକାକୁଳ ପରିବେଶ ଭିତରେ ଲୋକମାନେ ରାଲି କରି ତାଙ୍କ ବାସଭବନକୁ ନେଉଛନ୍ତି । ଶହୀଦ ଅମର ରହେ ଧ୍ବନୀରେ ପରିବେଶ ଫାଟି ପଡୁଛି । ଶହୀଦଙ୍କ ପାଇଁ ବାଘଡା ବଜାରକୁ ସଟଡାଉନ ଘୋଷଣା କରାଯାଇଛି ।
ସୂଚନାଥାଉକି, କଳାହାଣ୍ଡି-କନ୍ଧମାଳ ସୀମାନ୍ତ ସିର୍କି ଜଙ୍ଗଲରେ ବୁଧବାର କଳାହାଣ୍ଡି ପୋଲିସ ଦ୍ଵାରା ହୋଇଥିବା ମାଓ ଅପରେସନରେ 5 ମାଓବାଦୀ ନିହତ ହୋଇଥିବାବେଳେ 2 ଜଣ ଏସଓଜି ଯବାନ ଶହୀଦ ହୋଇଛନ୍ତି । ଶହୀଦ ଦୁଇ ଯବାନଙ୍କ ମଧ୍ୟରେ ଜଣେ ସୁଧିର ହୋଇଥିବାବେଳେ ଅନ୍ୟ ଜଣେ ଅନୁଗୋଳ ଜିଲ୍ଲାର ଦେବାଶିଷ ସେଠୀ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
