ରାଇରଙ୍ଗପୁର: ଦନ୍ତା ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ । ଏପରି ଏକ ଅଭାବନୀୟ ଘଟଣା ଘଟିଯାଇଛି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅଞ୍ଚଳରେ । ବିଶୋଇ ବ୍ଲକ ଅନ୍ତର୍ଗତ ଦେଓପଟା ଗ୍ରାମର ରତନ ସୋରେନ ଗତକାଲି ରାତିରେ ପରିସ୍ରା ପାଇଁ ବାହାରକୁ ବାହାରିଥିବା ସମୟରେ ଦନ୍ତା ହାତୀର ହାବୁଡ଼ରେ ପଡ଼ିଥିଲେ । ଦନ୍ତା ହାତୀ ତାଙ୍କୁ ଦଳି ଦେଇଥିଲା ।
ଦନ୍ତା ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ
ତେବେ ତାଙ୍କ ବାଡ଼ିରେ ଥିବା ପାଚିଲା ପଣସ ଖାଇବାକୁ ଆସିଥିବା ବେଳେ ଦନ୍ତା ହାତୀ ଆକ୍ରମଣର ଶିକାର ହୋଇଥିବା ଜଣାପଡିଛି । ପରିବାର ଲୋକେ ତୁରନ୍ତ ତାଙ୍କୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ତାଙ୍କୁ ମୃତ୍ୟୁ ଘୋଷଣା କରିଥିଲେ। ଏନେଇ ମଣଦା ବନବିଭାଗ ଓ ବିଶୋଇ ଥାନା ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛନ୍ତି।
ଇଟିଭି ଭାରତ,ରାଇରଙ୍ଗପୁର
