ମୟୁରଭଞ୍ଜ: ବାରିପଦାରେ ଭଡାଘରୁ ଚୋରି । ଗତ ଗୁରୁବାର ବିଳମ୍ବିତ ରାତ୍ରିରେ ବାରିପଦା ଟାଉନ ଥାନା ଅଧିନ ୱାର୍ଡ ନଂ12ର ବସିନ୍ଦା କୃପାନିଧି ପ୍ରତିହାରୀଙ୍କ ଘରେ ଭଡାରେ ରହୁଥିବା ସୁବ୍ରତ ବିଶ୍ୱାଳଙ୍କ ଘରୁ ଚୋରମାନେ ଝରକା ଭାଙ୍ଗି 5 ଲକ୍ଷ ଟଙ୍କାରୁ ଊର୍ଦ୍ଧ୍ବ ସମ୍ପତ୍ତି ଲୁଟି ନେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୁରଭଞ୍ଜ
ସୂଚନା ଅନୁଯାୟୀ, ଗତ ଗୁରୁବାର ରାତ୍ରିରେ ଘରଲୋକ ନଥିବା ସମୟରେ ଦୁର୍ବୃତ୍ତମାନେ ଏପରି କାଣ୍ଡ କରିଛନ୍ତି । ତେବେ ଚୋରମାନେ ଘରର ଝରକା ଭାଙ୍ଗି 5 ଲକ୍ଷରୁ ଊର୍ଦ୍ଧ୍ବ ସୁନା ଅଳଙ୍କାର ସହ 50 ହଜାର ଟଙ୍କା ନଗଦ ରାଶି ନେଇଯାଇଛନ୍ତି । ଏପଟେ ଘଟଣା ସ୍ଥଳରେ ଟାଉନ ଥାନା ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଜାରି ରଖିଛନ୍ତି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
